მიხეილ ჩხენკელი - ბატონი ბიძინა ივანიშვილი ქუთაისის საერთაშორისო უნივერსიტეტისა და უამრავი სხვა საქველმოქმედო პროექტის განხორციელებით თვალისჩინივით უფრთხილდება ეროვნულ საკითხებს – იგი გახლავთ ისტორიული მნიშვნელობის ერისკაცი ქვეყნისთვის

საქართველოს განათლებისა და მეცნიერების მინისტრი მიხეილ ჩხენკელი პარლამენტში "მინისტრის საათის" ფორმატში დეპუტატების წინაშე შემაჯამებელი სიტყვით წარდგა.

მინისტრმა ქუთაისის საერთაშორისო უნივერსიტეტის შესახებ დასმულ შეკითხვებს უპასუხა, უნივერსიტეტის განვითარების პერსპექტივებზე გაამახვილა ყურადღება და ამ მიმართულებით ახალი პროგრამების შემუშავებისა და დანერგვის მნიშვნელობას გაუსვა ხაზი.

„ქუთაისის საერთაშორისო უნივერსიტეტის იდეის, კონცეფციისა და განვითარების სტრატეგიის ავტორი ბატონი ბიძინა ივანიშვილია. სწორედ ამ ადამიანის და მისი ოჯახის უაღრესად მნიშვნელოვანი ქველმოქმედების შედეგად დაფუძნდა საქართველოში ჭეშმარიტად ევროპული, მსოფლიო სტანდარტების შესაბამისი უნივერსიტეტი. ეს გახლავთ უდიდესი საჩუქარი ჩვენი ახალგაზრდებისთვისა და მთელი ქვეყნისთვის.

როგორც მოგეხსენებათ, ბატონი ბიძინა ივანიშვილი ქუთაისის საერთაშორისო უნივერსიტეტისა და უამრავი სხვა საქველმოქმედო პროექტის განხორციელებით თვალისჩინივით უფრთხილდება ჩვენი ქვეყნისთვის სასიცოცხლოდ მნიშვნელოვან ეროვნულ საკითხებს, რომელსაც ჩვენი იდენტობა ემყარება – სწორედ ამიტომ, გახლავთ ბატონი ბიძინა ივანიშვილი ისტორიული მნიშვნელობის ერისკაცი ჩვენი ქვეყნისთვის.

ამაყი ვარ, რომ მაქვს პატივი, ვიყო ქუთაისის საერთაშორისო უნივერსიტეტის სამეთვალყურეო საბჭოს თავმჯდომარე და მივიღო მონაწილეობა უნივერსიტეტის აკადემიური პროგრამების განვითარების საქმეში.

კიდევ ერთხელ მინდა, აღვნიშნო – მკურნალობისა და კვლევის თვალსაზრისით, ქუთაისის საერთაშორისო უნივერსიტეტის ადრონული თერაპიის ცენტრის ანალოგი რეგიონში საერთოდ არ არის. ეს არის უაღრესად მნიშვნელოვანი აკადემიური და სამეცნიერო ჰაბი, რომელმაც ჩვენი ქვეყანა უკვე გადაიყვანა განვითარების ახალ ორბიტაზე.

ისეთი მასშტაბური, სტრატეგიული მნიშვნელობის პროექტებზე, როგორებიცაა ქუთაისის საერთაშორისო უნივერსიტეტი და ადრონული თერაპიის ცენტრი ბევრი უნდა ვისაუბროთ. ეს ყველა ქართველისთვის განსაკუთრებით საამაყოა“, – განაცხადა მიხეილ ჩხენკელმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024