რუსეთის საჰაერო კოსმოსურმა ძალებმა ყაზახეთში, სარი-შაგანის პოლიგონზე სარაკეტო თავდაცვის სისტემის ახალი რაკეტა გამოსცადა, - ინფორმაციას რუსული მედია ქვეყნის თავდაცვის სამინისტროს პრესსამსახურზე დაყრდნობით ავრცელებს.
უწყების ცნობით, საცდელი გაშვება წარმატებული იყო.
„სტრატეგიული დანიშნულების სარაკეტო ძალების სარი-შაგანის საწვრთნელ ბაზაზე (ყაზახეთის რესპუბლიკა), რუსეთის საჰაერო კოსმოსური ძალების საჰაერო და სარაკეტო თავდაცვის ძალების საბრძოლო ეკიპაჟმა წარმატებით განახორციელა რუსული სარაკეტო თავდაცვის სისტემის ახალი რაკეტის მორიგი საცდელი გაშვება,“ - აღნიშნულია ინფორმაციაში.