ბადრი ჯაფარიძე და გრიგოლ გეგელია ბრატისლავაში „ალდეს" პოლიტსაბჭოს ფარგლებში  შეხვედრებს მართავენ

"ლელოს" გენერალური მდივანი, ბადრი ჯაფარიძე და საგარეო მდივანი, გრიგოლ გეგელია ბრატისლავაში „ალდეს“ პოლიტსაბჭოს ფარგლებში მაღალი დონის შეხვედრებს მართავენ, - ინფორმაციას „ლელოს“ პრესსამსახური ავრცელებს.

მათი ინფორმაციით, პოლიტსაბჭოს მსვლელობისას, ჯაფარიძე და გეგელია ALDE-ს პრეზიდენტს, ევროპარლამენტარ ილჰან კიუჩუკს შეხვდნენ.

„შეხვედრისას განიხილეს საქართველოს ევროინტეგრაციის პროცესში გადასადგმელი აუცილებელი ნაბიჯები, 12 რეკომენდაციის შესრულების პროცესი, პოლიტიკურად მოტივირებული მართლმსაჯულების დასრულების აუცილებლობა და ისაუბრეს საქართველოსთვის კანდიდატი ქვეყნის სტატუსის მოპოვების მნიშვნელობაზე.

"ალდეს" პრეზიდენტთან შეხვედრა არის უაღრესად მნიშვნელოვანი, იგი აგრეთვე საგარეო კომიტეტის წევრია და უშუალოდ არის ჩართული ყველა იმ პოზიციის შემუშავებაში, რაც საქართველოსა და ჩვენს რეგიონს ეხება.

მას ძალიან კარგად ესმის, რაოდენ მნიშვნელოვანია საქართველოსთვის კანდიდატი ქვეყნის სტატუსის მოპოვება. „ალდე“ მხარს უჭერს საქართველოსთვის კანდიდატი ქვეყნის სტატუსის მოპოვებას, თუმცა, „ალდეს“ ყველა ლიდერს ნათლად ესმის, რომ ამისათვის აუცილებელია იმ დანაპირების განხორციელება, რა ვალდებულებებიც აღებული აქვს საქართველოს. პოლიტიკურად მოტივირებული მართლმსაჯულების დასრულებისა და რეფორმების გატარების გარეშე, საქართველო კანდიდატი ქვეყნის სტატუსს ვერ მოიპოვებს", - განაცხადა გრიგოლ გეგელიამ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია