ირაკლი ნადირაძე - მიხეილ სააკაშვილი ციხეში პუტინის საამებლად არ უნდა მოვკლათ

პუტინის საამებლად არ უნდა მოვკლათ მიხეილ სააკაშვილი ციხეში,- ამის შესახებ „ნაციონალური მოძრაობის“ ერთ-ერთმა ლიდერმა ირაკლი ნადირაძემ „ქართული ოცნების“ოფისის წინ გამართულ მიხეილ სააკაშვილის მხარდამჭერ აქციაზე განაცხადა.

მისი თქმით, მიხეილ სააკაშვილი დაუყოვნებლივ უნდა გადაიყვანონ საზღვარგარეთ სამკურნალოდ, რადგან ჰოსპიტალში ხანგრძლივი მკურნალობის მიუხედავად, მისი ჯანმრთელობა მაინც უარესდება.

„არის ერთადერთი მოთხოვნა, რომ გადარჩეს მიხეილ სააკაშვილი და რაც შეიძლება სწრაფად იქნას გადაყვანილი უცხოეთში სამკურნალოდ იმიტომ, რომ ვხედავთ, მისი ჯანმრთელობის მდგომარეობა, კლინიკაში ყოფნის მიუხედავად, არათუ უმჯობესდება, არამედ დღითიდღე უფრო მძიმდება. ჩვენ ვხედავთ ექიმების, ექსპერტების განცხადებებს მისი ჯანმრთელობის მდგომარეობასთან დაკავშირებით. პუტინის საამებლად არ უნდა მოვკლათ ეს ადამიანი ციხეში. ყველაფერი უნდა გავაკეთოთ და დღეს ვართ ერთიანები - სხვადასხვა პოლიტიკური პარტიების წარმომადგენლები არიან აქ, ექსპერტები, საზოგადოების წარმომადგენლები“,- განაცხადა ნადირაძემ.

კითხვაზე რა მოლოდინი აქვს მიხეილ სააკაშვილისთვის სასჯელის გადავადებასთან დაკავშირებით, ნადირაძემ აღნიშნა: „ივანიშვილის სასამართლოსგან, პროკურატურისგან არ შეიძლება რომ გვქონდეს რაიმე პოზიტიური მოლოდინი“.

„ამიტომ ჩვენ, პარტია, საზოგადოება, უნდა ვიყოთ ყველა სცენარისთვის მზად. იმედია რაც შეიძლება სწრაფად ჩაინიშნება და სწრაფად გვეცოდინება გადაწყვეტილება მიხეილ სააკაშვილთან მიმართებით. ამის მიხედვით უნდა ვიმოქმედოთ ყველამ, იმიტომ, რომ მიხეილ სააკაშვილის დარჩენა საპატიმროში და საავადმყოფოში ნიშნავს, ფაქტობრივად, მის სიკვდილს. არ უნდა დავუშვათ, რომ საქართველოს მესამე პრეზიდენტი, ვისაც ამ ქვეყნისთვის ძალიან ბევრი აქვს გაკეთებული და ქვეყანა ჭაობიდან ჰყავს ამოყვანილი, მოკვდეს, მოვკლათ ციხეში“, - განაცხადა ნადირაძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია