„ლელო“ - ALDEს მიერ მიღებული რეზოლუცია მკაცრად გმობს მამუკა ხაზარაძისა და ბადრი ჯაფარიძის წინააღმდეგ პოლიტიკურ დევნას
პარტია „ლელოს“ განცხადებით, ALDEს მიერ მიღებული რეზოლუცია მკაცრად გმობს „ლელოს“ ლიდერების, მამუკა ხაზარაძისა და ბადრი ჯაფარიძის წინააღმდეგ პოლიტიკურ დევნას.
როგორც „ლელოს“ მიერ გავრცელებულ ინფორმაციაშია აღნიშნული, ბადრი ჯაფარიძისთვის საპარლამენტო მანდატის წართმევა პოლიტიზირებული მართლმსაჯულების თვალსაჩინო გამოვლინებაა.
„2022 წლის 8 ნოემბერს, ევროპული პარლამენტის საგარეო ურთიერთობათა კომიტეტმა აღნიშნა, რომ სასამართლოს გადაწყვეტილება, რომლითაც „ლელო საქართველოსთვის“ ლიდერები, მამუკა ხაზარაძე და ბადრი ჯაფარიძე დამნაშავედ იქნენ ცნობილი და აღნიშნული განაჩენით ჯაფარიძისთვის საპარლამენტო მანდატის წართმევა მოხდა, პოლიტიზირებული მართლმსაჯულების თვალსაჩინო გამოვლინებაა.
