ევროკავშირის საბჭომ რუსული ნავთობის ერთი ბარელის ფასზე ზედა ზღვარი დაამტკიცა

ევროკავშირის საბჭომ რუსული ნავთობის ერთი ბარელის ფასზე 60 აშშ დოლარის ოდენობის ზედა ზღვარი დაამტკიცა.

ამის შესახებ ევროკავშირის საბჭოს მიერ გავრცელებულ განცხადებაშია ნათქვამი.

ევროკავშირის საბჭოს თანახმად, აღნიშნული ზომა ძალაში 5 დეკემბრიდან შევა.

„რუსულ ნავთობზე ფასის შეზღუდვა შეზღუდავს ფასების ცვალებადობას, რაც გამოწვეულია განსაკუთრებული საბაზრო პირობებით და მკვეთრად შეამცირებს შემოსავალს, რომელსაც რუსეთი ნავთობის გაყიდვისგან იღებდა უკრაინის წინააღმდეგ უკანონო აგრესიული ომის გაჩაღების შემდეგ. ეს ასევე ხელს შეუწყობს ენერგორესურსებზე მსოფლიო ფასების სტაბილიზებას და მესამე ქვეყნების ენერგომომარაგებისთვის ნეგატიური შედეგების შემსუბუქებას”, - წერია განცხადებაში.

ზედა ზღვარი შესაძლოა, დროდადრო გადაიხედოს, რათა საბაზრო ვითარებას მოერგოს, მაგრამ დღევანდელი გადაწყვეტილება ასევე აწესებს 90-დღიან გადასვლით პერიოდს, ფასის ზედა ზღვარის ყოველი ცვლილების შემდეგ, რათა ყველა ოპერატორის მიერ ზედა ფასის თანმიმდევრული გამოყენება უზრუნველყოს.

ცნობისთვის, 2022 წლის 6 ოქტომბერს ევროკავშირის საბჭომ მიიღო გადაწყვეტილება მესამე ქვეყნებში რუსული ნავთობისა (2022 წლის 5 დეკემბრიდან) და ნავთობპროდუქტების (2023 წლის 5 თებერვლიდან) საზღვაო ტრანსპორტირების აკრძალვის შესახებ, ასევე ამასთან დაკავშირებული ტექნიკური დახმარების, საბროკერო მომსახურებისა და ფინანსური დახმარების მიწოდების აკრძალვის შესახებ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?