პაატა დავითაია - რუსეთის ფედერაცია სოხუმში ამჯერად თათარსტანის პრეზიდენტს გზავნის და აფხაზეთზე ტოტალური კონტროლის დასამყარებლად აქტიურ ქმედებებზე გადავიდა

რუსეთის ფედერაციამ ბოლო პერიოდში ძალიან გააქტიურა დანაშაულებრივი ქმედებები ჩვენს ოკუპირებულ ტერიტორიებზე. ამჯერად სოხუმში ჩავიდა რუსეთის ფედერაციის სუბიექტის, თათარსტანის პრეზიდენტი. ეს ვიზიტი ცხადყოფს რუსეთის დიდ ინტერესს აფხაზეთზე ტოტალური კონტროლის დასამყარებლად , - ამის შესახებ პარტია „ევროპელი დემოკრატების“ თავმჯდომარემ, პაატა დავითაიამ განაცხადა.

მისივე შეფასებით, საქართველოს მთავრობის მხრიდან საჭიროა მეტი აქტიურობა საერთაშორისო არენაზე რუსეთის ბოლოდროინდელ ქმედებებთან დაკავშირებით.

„თათარსტანის პრეზიდენტის რუსტამ მინიხანოვის სოხუმში ჩასვლა და მისი შეხვედრა აფხაზეთის დე ფაქტო პრეზიდენტთან ასლან ბჟანიასთან თანამშრომლობის და ურთიერთობების გააქტიურების მიზნით, ნიშნავს, რომ რუსეთის ფედერაცია ინტენსიურად აგრძელებს მოქმედებებს აფხაზეთის ანექსიისთვის და ტოტალური კონტროლის დასამყარებლად, რასაც ამჯერად ეკონომიკური ურთიერთობების დამყარების გზით ცდილობს. საქართველოს მთავრობამ მაქსიმალური ყურადღება უნდა გამოიჩინოს რუსეთის ფედერაციის ბოლოდროინდელ ქმედებებთან დაკავშირებით, საჭიროა მეტი აქტიურობა საერთაშორისო არენაზე და ჩვენს პარტნიორებთან.

დიდი ხანია მოვუწოდებ ხელისუფლებას, რომ შემუშავდეს სტრატეგია და სპეციალური ღონისძიებები, იმ პოლიტიკასთან დაკავშირებით, რასაც ახორციელებს რუსეთი ბოლო პერიოდში. ეს არის ინტენსიური ეკონომიკური კავშირების დამყარების და აფხაზეთის ეკონომიკური „მხარდაჭერის“ გეგმა, რომლის მიზანიც, რეალურად რუსეთის მიერ, რაც შეიძლება მეტი ქართული მიწის მიტაცება და აფხაზეთის საბოლოო ანექსიაა“, - განაცხადა პაატა დავითაიამ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)