მიხეილ სარჯველაძე - გარდაცვლილების სულებისთვის პატივის მიგება იქნება, თუ ჩვენ შევძლებთ და ამ ქვეყანას ავარიდებთ ომში ჩათრევას

არ შემიძლია არ გამოვეხმაურო ჩვენი ოპონენტების, ჩვენი თანამოქალაქეების მცდელობებს, ტრაგედიები შეფუთონ ისე, რომ პოლიტიკური ზრახვებისთვის ძალიან ცუდად გამოიყენონ - გლოვა და სამძიმრის გამოხატვა არ არის ასეთი რამ, რასაც ფორმალიზება სჭირდება,- ამის შესახებ საპარლამენტო უმრავლესობის წევრმა მიხეილ სარჯველაძემ ბიუროს სხდომაზე განაცხადა.

მისი თქმით, ამ უმძიმეს ტრაგედიებზე ქულები დაწერის მცდელობებს პასუხი უნდა გაეცეს.

"მინდა გამოვხატო სამძიმარი გარდაცვლილი ადამიანების ოჯახების, ახლობლების, მთელი საქართველოს მიმართ. უმძიმესი ტრაგედიაა. ძალიან დიდია ჩვენი ქვეყნის ტკივილი თითოეული შვილის გარდაცვალებასთან დაკავშირებით.

არ შემიძლია არ გამოვეხმაურო ჩვენი ოპონენტების, ჩვენი თანამოქალაქეების მცდელობებს, რომ ეს ტრაგედიები შეფუთონ ისე, რომ პოლიტიკური ზრახვებისთვის ძალიან ცუდად გამოიყენონ. აშკარად ჩანს, რომ ემოციებით თამაშით ყველაფერი იქით მიდის, რომ ეს ყველაფერი ემსგავსება მეორე ტალღას, ამ ქვეყნის ომის მხარედ ქცევის მცდელობებს, რაც ძალიან მძიმე საყურებელია. უკადრისი რამ არის ეს. გლოვა და სამძიმრის გამოხატვა არ არის ასეთი რამ, რასაც ფორმალიზება სჭირდება. გადმოსვენებაში დახმარება, სამხედრო პატივით დაკრძალვა, თუ ვინ როდის, რამდენჯერ მოვიხსენიებთ გარდაცვლილების სულს ლოცვებში, არ არის ის, რისი გაზომვითაც უნდა ვიყოთ დაკავებული. პასუხი უნდა გაეცეს მცდელობებს, რომ პოლიტიკური ამბავი შეიქმნას ამასთან დაკავშირებით და ვინმემ ქულები დაიწეროს ამ უმძიმეს ტრაგედიებზე.

ზესახელმწიფოების ხელმძღვანელები, რომლებიც იარაღით ეხმარებიან უკრაინას, თავშეკავებულები არიან, როდესაც მოხალისეების უკრაინაში ბრძოლას ეხება საქმე. არ აკეთებენ ამას, ეს არის სწორი და საღი გადაწყვეტილება. გარდაცვლილების სულებისთვის პატივის მიგება იქნება, თუ ჩვენ შევძლებთ და ამ ქვეყანას ავარიდებთ ომში ჩათრევას“,- აღნიშნავს სარჯველაძე.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე