ლევან დავითაშვილის განცხადებით, მთავრობამ განახლებადი წყაროებიდან ენერგიის წარმოებისა და გამოყენების მხარდაჭერის სქემა დაამტკიცა

ეკონომიკისა და მდგრადი განვითარების მინისტრის, ლევან დავითაშვილის განცხადებით, მთავრობამ განახლებადი წყაროებიდან ენერგიის წარმოებისა და გამოყენების მხარდაჭერის სქემა დაამტკიცა, რაც ენერგოსექტორში ჯამში, დაახლოებით, 2.2 მილიარდი დოლარის ინვესტიციების განხორციელების საშუალებას იძლევა.

როგორც მინისტრმა მთავრობის სხდომის დასრულების შემდეგ გამართულ ბრიფინგზე განმარტა, მალე გაიმართება აუქციონი და შეირჩევა პროექტები, რომლებიც სახელმწიფოს მხრიდან ფასის გარანტიით დაზღვეული იქნება.

„განახლებადი წყაროებიდან ენერგიის წარმოებისა და გამოყენების მხარდაჭერის სქემის შესახებ გვქონდა პრეზენტაცია. განახლებადი ენერგიების მხარდასაჭერად დარგთან, კერძო სექტორთან, დეველოპერებთან, ინვესტორებთან შეხვედრა გვქონდა. ჩვენ დავამტკიცეთ და შესაბამისად, მალე გაიმართება აუქციონი და შეირჩევა პროექტები, რომლებიც სახელმწიფოს მხრიდან ფასის გარანტიით იქნება დაზღვეული და ენერგოსექტორში ჯამში, ეს დაახლოებით, 2.2 მილიარდი დოლარის ინვესტიციების განხორციელების საშუალებას მოგვცემს. ეს არის როგორც იცით 1500 მეგავატამდე სიმძლავრის ელექტროსადგურები, ახალი სადგურები, რომლებიც ჩვენს ენერგო დამოუკიდებლობას კიდევ უფრო გაზრდის,“ - განაცხადა ლევან დავითაშვილმა.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს