გია ვოლსკი - ვინ უნდა დაეჭირათ, ვინ გამოეშვათ, ვინ ეწამებინათ, ვინ მოეკლათ, იცოდა სააკაშვილმა - დღეს სასამართლოს გადაწყვეტილების წინასწარ განჭვრეტა შეუძლებელია

"ნაცმოძრაობა", რადიკალური ოპოზიცია და კონკრეტული პირები სააკაშვილის მდგომარეობას თავისი პოლიტიკური მიზნებისთვის იყენებენ - რამდენად ცუდად არის და ჯანმრთელობის სისტემას შეუძლია თუ არა უზრუნველყოს მისი მკურნალობა, ამაზე პროფესიონალურ აზრს უნდა მოვუსმინოთ, - ამის შესახებ პარლამენტის პირველმა ვიცე- სპიკერმა გია ვოლსკიმ განაცხადა.

მისივე თქმით, ამ საკითხზე კომპეტენტურ სამედიცინო დასკვნაზე დაყრდნობით გადაწყვეტილება სასამართლომ უნდა მიიღოს.

"სააკაშვილის თემით სპეკულირება დაგეგმილი იყო, როცა იგი უკანონოდ კვეთდა საზღვარს, როცა უკრაინიდან ვერ მოახდინა რევოლუციური პროცესის განვითარება, რაზეც ინტენსიურად ლაპარაკობდა, განსაკუთრებით 2014 წლის შემდეგ. მისი ჩამოსვლა, დაკავება, შიმშილისკენ, თვითდაზიანებისკენ მოწოდება - ეს ყველაფერი არის ინდიკატორი იმისა, რომ "ნაცმოძრაობა", რადიკალური ოპოზიცია და კონკრეტული პირები იყენებენ მის მდგომარეობას თავისი პოლიტიკური მიზნებისთვის, სააკაშვილის ფაქტორი, მისი ცუდად ყოფნა სწორედ ამ მიზნით არის გამოსაყენებელი, მათი აზრით.

რამდენად ცუდად არის და ჯანმრთელობის სისტემას შეუძლია თუ არა უზრუნველყოს მისი მკურნალობა, ამაზე პროფესიონალურ აზრს უნდა მოვუსმინოთ და არა პოლიტიკურ განცხადებებს. თვითონ ის ფაქტი, რომ პოლიტიკოსებს ეკითხებიან ჯანმრთელობის დაცვის სისტემასთან დაკავშირებულ თემებზე, არის სწორედ დადასტურება მცდელობისა, რომ პოლიტიკური ელფერი მისცენ ჯანმრთელობის მდგომარეობის საკითხს.

რაც შეეხება იმას, თუ როგორ მუშაობს სისტემა - არსებობს სამედიცინო კომპეტენტური დასკვნა, რომელიც გადაეცემა სასამართლოს განსახილველად, რა გადაწყვეტილებას მიიღებს სასამართლო ამაზე, იმ პრაქტიკის და კანონის მიხედვით, რომელიც საქართველოში, როგორც ბევრ მოწინავე დემოკრატიაში არსებობს, ამის შესახებ წინასწარ ვერ გეტყვით. წინასწარ, ვინ უნდა დაეჭირათ, ვინ გამოეშვათ, ვინ ეწამებინათ, ვინ მოეკლათ, იცოდა სააკაშვილმა, იყო ასეთი დრო, დღეს სასამართლოს გადაწყვეტილების წინასწარ განჭვრეტა შეუძლებელია", - განაცხადა ვოლსკიმ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი