თერაპევტებმა ჯანდაცვის სამინისტროსთან აქცია გამართეს

თერაპევტებმა ჯანდაცვის სამინისტროსთან აქცია გამართეს. აქციის მონაწილეებმა ჯანდაცვის სამინისტროს დამსაქმებლებთან მედიაციის დანიშვნის მოთხოვნით მიმართეს. ამასთან, ისინი ანაზღაურების გაზრდასაც ითხოვენ.

როგორც აქციის მონაწილეები „ინტერპრესნიუსთან“ საუბრისას განმარტავენ, დედაქალაქის მერია „აუტიზმის სპექტრის ბავშვების პროგრამის“ ფარგლებში პროვაიდერ დაწესებულებებს 20 ლარს ურიცხავს, საიდანაც თერაპევტზე საათში მხოლოდ 6-8 ლარია გათვალისწინებული.

თერაპევტების თქმით, ანაზღაურება წლებია არ შეცვლილა და „ძალიან ბევრი სესიის ჩატარება უწევთ, რომ გადარჩნენ“.

„ორი სხვადასხვა პროვაიდერ ცენტრზე შევიტანეთ განცხადება, რომელიც მერიის პროგრამის ქვეკონტრაქტორია „აუტიზმის სპექტრის ბავშვების პროგრამის“ ფარგლებში. დედაქალაქის მერია 20 ლარს აძლევს თითო ბავშვზე კერძო პროვაიდერებს, პროვაიდერები კი ანაწილებენ სესიების მიხედვით. თერაპევტი დაახლოებით, 6-8 ლარს იღებს საათში. ეს რას ნიშნავს?! ძალიან ბევრი სესიის ჩატარება უწევთ, რომ გადარჩნენ. შესაძლოა, შვებულებაც კი არ ჰქონდეთ ანაზღაურებადი. დეკრეტული შვებულებაც არ აქვთ. არასტაბილური პროფესია აღმოჩნდა და ბევრი ტოვებს. ხელფასი წლებია არ იცვლება. შრომის დავას ვიწყებთ ორ ცენტრთან - ცენტრ „გამასა“ და „საქართველოს ბავშვებთან“, გვინდა მერია ამ დავაში ჩაერთოს“, - აღნიშნა სოლიდარობის ქსელის დამოუკიდებელი პროფკავშირის თავმჯდომარემ, სოფო ჯაფარიძემ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად