რუსეთის პრეზიდენტის პრესმდივანი დიმიტრი პესკოვი უარყოფს, რომ მეორე მობილიზაცია იგეგმება.

კრემლის პრესსპიკერმა რუსებს მოუწოდა ენდონ რუსეთის თავდაცვის სამინისტროსა და პრეზიდენტის განცხადებებს და დააიგნორონ „პროვოკაციული მესიჯები“, რომლებიც სოციალურ ქსელებში ვრცელდება.

მედია იუწყება, რომ ვრცელდება ცნობები ვლადიმერ პუტინის მიერ შემდეგი წლის დასაწყისში, მობილიზაციის კიდევ ერთი ტალღის შესაძლო გამოცხადების შესახებ.

ცნობისთვის, სექტემბერში, კრემლის ლიდერმა უკრაინაში საბრძოლველად 300 000 რეზერვისტის ნაწილობრივი მობილიზაცია გამოაცხადა.