„საქართველოში ქალი კანდიდატების პოლიტიკური მონაწილეობის დამაბრკოლებელი ბარიერების შესახებ" კვლევაში სექსიზმისა და სიძულვილის ენის გამოყენების პრობლემები გამოიკვეთა

საქართველოში ევროპის საბჭოს ოფისისა და საქართველოს ცენტრალური საარჩევნო კომისიის (ცესკო) თანამშრომლობით, „საქართველოში ქალების (ქალი კანდიდატების) პოლიტიკური მონაწილეობის დამაბრკოლებელი ბარიერების შესახებ" კვლევის პრეზენტაცია გაიმართა.

როგორც ცესკოს თავმჯდომარემ გიორგი კალანდარიშვილმა განაცხადა, კვლევის შედეგად გამოიკვეთა შემთხვევები, რომლებიც უკავშირდება სიძულვილის ენის გამოყენებას, სექსიზმს, ეკონომიურ პრობლემებს, ცნობიერების საკითხებს და ა.შ.

„გენდერული თანასწორობის ხელშეწყობა საარჩევნო ადმინისტრაციის ერთ-ერთ პრიორიტეტს წარმოადგენს, რომელიც, თავის მხრივ, ქალთა საარჩევნო და პოლიტიკური გაძლიერების ხელშეწყობას მოიცავს. ეს არის ის საერთაშორისო სტანდარტი, რომელიც ინკლუზიის განვითარებას და გაძლიერებას ეხმაურება. შესაბამისად, საარჩევნო ადმინისტრაციის ინიციატივით ევროპის საბჭოს პარტნიორობითა და თანამშრომლობით განხორციელდა მნიშვნელოვანი კვლევა, რომლითაც იდენტიფიცირებულია როგორც მიღწევები, ასევე საკითხები, რომლებიც უკავშირდება იმ ხელისშემშლელ ფაქტორებს, რომლებიც უზრუნველყოფს ქალთა არჩევნებში ჩართულობის შეფერხებას. დღეს ჩვენ განვიხილეთ ის ძირითადი მიგნებები და მათთან დაკავშირებით გაცემული რეკომენდაციები, რომელიც შესაძლოა გამოვიყენოთ გზამკვლევად იმისთვის, რომ ჩვენი აქტივობები სწორად იყოს დაგეგმილი და განხორციელებული, რათა ეს პროცესი კიდევ უფრო განვავითაროთ და გავაჯანსაღოთ.

გამოიკვეთა რამდენიმე საკითხი, რომელიც წარმოადგენს გარკვეულ გამოწვევას როგორც ინსტიტუციებისთვის, ასევე პოლიტიკური პარტიებისთვის. კვლევამ ცხადყო, რომ გარკვეული პოლიტიკის არ არსებობა ამ თვალსაზრისით, იგივე პოლიტიკურ პარტიებში, რომელიც ხელს შეუწყობს ქალთა ჩართულობას პროცესებში, განსავითარებელია. ასევე, გამოიკვეთა შემთხვევები, რომლებიც უკავშირდება სიძულვილის ენის გამოყენებას, სექსიზმს, ეკონომიურ პრობლემებს, ცნობიერების საკითხებს. ეს არის ყურადსაღები ფაქტორები, რომლებიც მხარეების მხრიდან საჭიროებს მეტ ყურადღებას იმისთვის, რომ სათანადო აქტივობები სწორად იყოს დაგეგმილი, რათა ყველა გამოწვევას სათანადოდ ვუპასუხოთ", - განაცხადა კალანდარიშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?