გიული ალასანია პრემიერის განცხადებაზე - მისი ეს მორწმუნეობა მომწონს, მაგრამ არ მგონია, რომ ამ შემთხვევაში, მარტო ღმერთის იმედად უნდა ვიყოთ

საქართველოს მესამე პრეზიდენტის მიხეილ სააკაშვილის დედის გიული ალასანიას განცხადებით, სააკაშვილი თავს სუსტად გრძნობს და ძნელად წარმოსადგენია, მან ხვალინდელ სასამართლო პროცესზე დასწრება შეძლოს.

როგორც გიული ალასანიამ კლინიკა "ვივამედში" შვილის მონახულების შემდეგ ჟურნალისტებს განუცხადა, ოჯახს სურს, რაც შეიძლება დროულად მოხდეს სააკაშვილის საზღვარგარეთ სამკურნალოდ გადაყვანა.

„ალბათ, ადვოკატთან განიხილავს მისი დასწრება-არდასწრების საკითხს. ჩემი სურვილია, რაც შეიძლება სწრაფად მოხდეს მისი საზღვარგარეთ გადაყვანა, რამდენი ხანია ამას ვითხოვთ. მისი ჯანმრთელობა მოითხოვს ამას. ძალიან დიდ იმედებს ვამყარებ ამ პროცესზე", - განაცხადა გიული ალასანიამ.

მან მიხეილ სააკაშვილთან დაკავშირებით პრემიერ-მინისტრ ირაკლი ღარიბაშვილის გუშინდელი განცხადებებიც შეაფასა და განაცხადა, რომ მარტო ღმერთის იმედად ვერ იქნება.

„მისი ეს მორწმუნეობა მომწონს, მაგრამ არ მგონია, რომ ამ შემთხვევაში, მარტო ღმერთის იმედად უნდა ვიყოთ. კონკრეტული მოსამართლეები მონაწილეები იქნებიან ამ პროცესის და მე ძალიან დიდი იმედი მაქვს მათი ჰუმანურობის, მათი პროფესიონალიზმის და ობიექტურობის", - განაცხადა გიული ალასანიამ.

რაც შეეხება მისი ჯანმრთელობის მდგომარეობას, მიხეილ სააკაშვილის დედა აცხადებს, რომ სააკაშვილი თავს სუსტად გრძნობს და ჯდომაც კი უჭირს. "არ ვიცი როგორ უნდა მოიკრიბოს ძალა, ძნელად წარმომიდგენია. ექიმები დართავენ ნებას თუ არა არ ვიცი", - განაცხადა გიული ალასანიამ.

მან განმარტა, რომ განიხილება პროცესზე დისტანციურად ჩართვის საკითხიც და უცნობია, რა გადაწყვეტილებას მიიღებენ ხვალინდელ პროცესზე.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი