ირაკლი კობახიძე - მეუბნებიან, რა გახდა გენერატორების გაგზავნა უკრაინაშიო - ხალხი შეცდომაში შეჰყავთ, ჰგონიათ, უკრაინაში საქართველომ „დვიჟოკები“ უნდა გააგზავნოს, სინამდვილეში საუბარია მაღალი სიმძლავრის გენერატორებზე, რაც ჩვენთან არ იწარმოება

ხალხი შეცდომაში შეჰყავთ, ჰგონიათ, უკრაინაში საქართველომ „დვიჟოკები“ უნდა გააგზავნოს, სინამდვილეში საუბარია მაღალი სიმძლავრის გენერატორებზე, რაც ჩვენთან არ იწარმოება, - ამის შესახებ "ქართული ოცნების" თავმჯდომარე ირაკლი კობახიძემ განაცხადა, რითაც გამოეხმაურა საქართველოში უკრაინის საქმეთა დროებითი რწმუნებულის ანდრეი კასიანოვის განცხადებას, იმის შესახებ, რომ უკრაინამ საქართველოს მთავრობას გენერატორებითა და ტრანსფორმატორებით დახმარების თხოვნით მიმართა, თუმცა დადებითი პასუხი ამ დრომდე არ მიუღია.

როგორც კობახიძე აცხადებს, ჰუმანიტარული დახმარების პრობლემა საქართველოს არ ჰქონია, პირიქით, "ძალიან ხელგაშლილები ვიყავით".

„საზოგადოების წინაშე წარმოაჩენენ ამას ისე, თითქოს უკრაინა ითხოვს ე.წ. „დვიჟოკებს“. ხალხს მართლა ასე ჰგონია. მე მეუბნებიან, რა გახდა გენერატორების გაგზავნა უკრაინაში. ხალხს ჰგონია, რომ უკრაინა ითხოვს „დვიჟოკებს“, ამ დროს საუბარია მაღალი სიმძლავრის გენერატორებზე, მაგალითად, „მადრიდის რეალმა“, რომელიც არის რამდენიმე მილიარდიანი ფულის მქონე საფეხბურთო კლუბი, სულ 20 გენერატორი გადასცა უკრაინას. ხალხს ამაზე გაეცინა, ეგონათ, რომ 20 „დვიჟოკი“ გადასცა. სინამდვილეში საუბარია მაღალი სიმძლავრის გენერატორებზე, რაც საქართველოში ფიზიკურად არც არსებობს. ჩვენ შეიძლება ფინანსურად დავეხმაროთ ჰუმანიტარული დახმარების კუთხით და ალბათ იცით, რომ ძალიან მასშტაბური იყო ჩვენი დახმარება. ხალხი შეჰყავთ შეცდომაში - ჰგონიათ, რომ უკრაინაში საქართველომ უნდა გააგზავნოს „დვიჟოკები“, რაც არის ტყუილი. სინამდვილეში კი საუბარია მაღალი სიმძლავრის გენერატორებზე, რაც ჩვენთან არ იწარმოება. ჩვენ შეგვიძლია შევიძინოთ მაღალი სიმძლავრის გენერატორები და გავაგზავნოთ უკრაინაში. ჰუმანიტარული დახმარების პრობლემა არ გვქონდა, პირიქით, ძალიან ხელგაშლილები ვიყავით, მაგრამ საზოგადოებას ნურავინ ატყუებს, რომ უკრაინა გვთხოვს „დვიჟოკების“ გაგზავნას. ჰუმანიტარული დახმარების მასშტაბი არის ძალიან დიდი - ერთ-ერთი ყველაზე დიდი ქვეყნებს შორის. აქედან გამომდინარე, სასპეკულაციოდ არ არის გამოყენებადი ეს თემა. ჩვენ მაქსიმალურად მოწოდებული ვართ, რომ მაქსიმალური ჰუმანიტარული დახმარება გავუგზავნოთ ჩვენს უკრაინელ მეგობარ ხალხს. კასიანოვი ბრიფინგზე რომ გამოდის, შეხვდეს საგარეო საქმეთა სამინისტროს წარმომადგენლებს და იქ გაარკვიოს ასეთი საკითხები. ელემენტარული დიპლომატიური ეტიკეტის ამბავია. არ შეიძლება ასეთი სპეკულაციები, უნდა კაცს მეორე ფრონტი და უნდოდეს, რა ვქნათ. ჰუმანიტარული დახმარება არის ის, რასაც ვაკეთებდით და ამ მიმართულებით ვიქნებით ხელგაშლილი, არავითარი კითხვის ნიშანი ამაზე არ არის.

სპეკულაციებისთვის არც ელჩის მოვალეობის შემსრულებელმა უნდა გამოიყენოს ეს თემა და არც რადიკალურმა ოპოზიციამ“, - განაცხადა კობახიძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი