აშშ-მა რუსეთთან პატიმართა გაცვლის შედეგად კალათბურთელი ბრიტნი გრაინერი დაიბრუნა

აშშ-მა რუსეთთან პატიმართა გაცვლის შედეგად კალათბურთელი ბრიტნი გრაინერი დაიბრუნა, რუსეთს კი იარაღით მოვაჭრე ვიქტორ ბუტი გადასცეს. ინფორმაციას ამის შესახებ აშშ-ის პრეზიდენტი, ჯო ბაიდენი “ტვიტერის” პირად გვერდზე ავრცელებს.

“რამდენიმე წუთის წინ ტელეფონით ველაპარაკე ბრიტნი გრაინერს. ის უსაფრთხოებაშია. თვითმფრინავშია. სახლში მიდის”, - წერს ბაიდენი.

თავის მხრივ, რუსეთის საგარეო საქმეთა სამინისტრომ აღნიშნა, რომ გრაინერი რუსეთის მოქალაქე ვიქტორ ბუტში გაცვალეს.

გაცვლა ხუთშაბათს, 8 დეკემბერს აბუ-დაბის აეროპორტში მოხდა.

ცნობისთვის, ამერიკელი ბრიტნი გრაინერი 2022 წლის თებერვალში შერემეტიევოს აეროპორტში იქნა დაკავებული. მის ბარგში, როგორც აღინიშნება, "ვეიპისთვის" განკუთვნილი ჰაშიშის ზეთი იყო აღმოჩენილი. მას 9 წლით თავისუფლების აღკვეთა შეუფარდეს.

თავის მხრივ, რუს იარაღით მოვაჭრეს, ვიქტორ ბუტს 2012 წელს 25 წლით თავისუფლების აღკვეთა შეუფარდა იარაღის დიდი რაოდენობით უკანონო მიწოდებისთვის, ასევე რიგი ფინანსური მაქინაციებისთვის.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?