უკრაინის პრეზიდენტის მრჩეველი - რუსეთში 13 000 უკრაინელი ბავშვია დეპორტირებული
რუსეთში 13 000 უკრაინელი ბავშვია დეპორტირებული, - ამის შესახებ ინფორმაციას უკრაინის პრეზიდენტის მრჩეველი და უფლებამოსილი წარმომადგენელი ბავშვთა უფლებებისა და რეაბილიტაციის საკითხებში, დარია გერასიმჩუკი ავრცელებს.
„დღევანდელი დღისთვის ინფორმაცია გვაქვს 13 ათას უკრაინელ ბავშვზე, რომელიც დეპორტირებული ან გადაადგილებული იყო რუსეთის ხელისუფლების მიერ. ეს, სამწუხაროდ, საბოლოო ციფრი არ არის”, - განაცხადა გერასიმჩუკმა.
ბავშვთა ომბუდსმენის თქმით, რუსეთში დეპორტირებული უკრაინელი ბავშვები რიცხვი ყოველ დღე იზრდება.
“ჩვენ კიდევ მოგვიწევს გავიგოთ, როგორც მინიმუმ, ათასობით უკრაინელ ბავშვზე, რომელიც რუსეთის ხელისუფლებამ მოიპარა”, - აღნიშნა გერასიმჩუკმა.
