ვახტანგ მეგრელიშვილი - ვიდრე მიშას არიან ჩამოკიდებულები, ეთერებში დადიან და მიშა-მიშას „ბაზრობენ“, მანამდე არც ამათ ეშველებათ, არც მიშას ეშველება და იყოს ციხეში

მიშა არის კონკრეტულად პასუხისმგებელი იმ პოლიტიკურ სიტუაციაზე, რომელშიც ახლა „ქართული ოცნების“ მეშვეობით არის ქვეყანა, - ამის შესახებ „გირჩის“ ერთ-ერთმა ლიდერმა, დეპუტატმა ვახტანგ მეგრელიშვილმა „პალიტრანიუსის“ გადაცემაში „360 გრადუსი“ განაცხადა.

გადაცემაში ოპოზიციის ერთ-ერთმა წევრმა ნიკა ობოლაძემ თქვა, რომ „თუ ამ ტიპის მოღალატეობრივ ხელისუფლებას ვერ ვცვლით, მაშინ პასუხისმგებლობა უნდა აიღოს ოპოზიციამ“, რაზეც ვახტანგ მეგრელიშვილმა საპასუხო კითხვით მიმართა, თუ რატომ არ უნდა აიღოს აღნიშნულზე პასუხისმგებლობა თვითონ მიხეილ სააკაშვილმა.

„მიშამ რატომ არ უნდა აიღოს მაგაზე პასუხისმგებლობა? ოპოზიციაო ისე ამბობ, გეგონება, ყველაფერი ჩემი ბრალია. რატომ არ მეპატიჟებიან „მთავარ არხზე?“ სანამ „მთავარ არხზე არ დამპატიჟებენ მიშა ისევ იქნება „ნაციონალური მოძრაობის“ არაფორმალური მმართველი, რომელიც როგორც კი მოვა ხელისუფლებაში ეგრევე დამიჭერს. ამიტომ, იყოს ციხეში. მიშა არის კონკრეტულად პასუხისმგებელი იმ პოლიტიკურ სიტუაციაზე, რომელშიც ახლა „ქართული ოცნების“ მეშვეობით არის ქვეყანა. ანუ ამ ყველაფრის ერთადერთი დასაყრდენი არის მიშას როლი და მიშას როლი უნდა შეიცვალოს“,- აცხადებს მეგრელიშვილი.

მისი თქმით, როგორც კი „ნაციონალურ მოძრაობაში გააცნობიერებენ, რომ მათ მიხეილ სააკაშვილი აღარ კრავთ, ეს მაშინვე გამოჩნდება.

„ვიდრე მიშას არიან ჩამოკიდებულები, ეთერებში დადიან და მიშა-მიშას „ბაზრობენ“ და მიშას კუჭის მოქმედებით არის მთელი წელი დაკავებული ეს ერი, მანამდე არც ამათ ეშველებათ, არც მიშას ეშველება და იყოს ციხეში, ვამბობ მე“,- განაცხადა მეგრელიშვილმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი