სახალხო დამცველობის კანდიდატი მარიკა არევაძე არ გამორიცხავს, რომ ომბუდსმენის არჩევის პროცესი ჩაიშალოს

თუ პროცესები ამ რეჟიმში წავიდა, მაღალია ალბათობა, რომ პროცესი საერთოდ ჩაიშალოს, მიმდინარე ციკლი სახალხო დამცველის შერჩევის გარეშე დასრულდეს, - ამის შესახებ სახალხო დამცველობის კანდიდატმა მარიკა არევაძემ „მედიაცენტრ მთავარში“ განაცხადა.

როგორც ის აღნიშნავს, 19 კანდიდატიდან მხოლოდ რამდენიმე აკმაყოფილებს გაწერილ კრიტერიუმებს.

„მოცემულ შემთხვევაში, დღემდე არ არის სახალხო დამცველი არჩეული. არავინ იცის, მიმდინარეობს თუ არა კონსულტაციები, ან რატომ არის შეფერხებები. ამ ყველაფრის გათვალისწინებით, პროცესები დაზიანებულია. ვისურვებდი, მეტად დაზიანება არ იყოს და მიუკერძოებელი, პროფესიონალი სახალხო დამცველი აირჩეს. ამ 19 კანდიდატში მხოლოდ რამდენიმე აკმაყოფილებს კრიტერიუმებს. თუ პროცესები ამ რეჟიმში წავიდა, მაღალია ალბათობა, რომ პროცესი საერთოდ ჩაიშალოს, მიმდინარე ციკლი სახალხო დამცველის შერჩევის გარეშე დასრულდეს. ამის ალბათობა და საფრთხე არსებობს. ერთი კანდიდატის გარშემო ჯერ კონსენსუსი არ არსებობს“, - აღნიშნა მარიკა არევაძემ.

ცნობისთვის, ყოფილმა სახალხო დამცველმა ნინო ლომჯარიამ მუშაობა ორი დღის წინ დაასრულა. ახალი სახალხო დამცველის არჩევისთვის პარლამენტისთვის საკუთარი კანდიდატურა 19 სუბიექტს აქვს შეთავაზებული. მათი საკომიტეტო მოსმენები პარლამენტში უკვე დასრულებულია. საპარლამენტო პარტიებს შორის სახალხო დამცველობის კანდიდატზე შეთანხმების მიზნით კონსულტაციები კი ამ დრომდე გრძელდება.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა