გიორგი ვაშაძე - ერთადერთი, ვინც ცდილობს, კიდევ უფრო დაამძიმოს მიხეილ სააკაშვილის მდგომარეობა „ქართული ოცნებაა“, რომელიც კანონის მოთხოვნის საწინააღმდეგოდ, პოლიტიკური ინტერესებით მოქმედებს

ერთადერთი, ვინც ცდილობს, კიდევ უფრო დაამძიმოს მიხეილ სააკაშვილის მდგომარეობა „ქართული ოცნებაა“, რომელიც კანონის მოთხოვნის საწინააღმდეგოდ, პოლიტიკური ინტერესებით მოქმედებს - სცენარი, რომელსაც გვთავაზობენ, არის ის, რომ თითქოს, თვითონ მიხეილ სააკაშვილია დამნაშავე ჯანმრთელობის მდგომარეობის გაუარესებაში, - ამის შესახებ „სტრატეგია აღმაშენებლის“ თავმჯდომარემ, გიორგი ვაშაძემ ჟურნალისტებთან საუბრისას განაცხადა.

ჟურნალისტის კითხვაზე, როგორ შეაფასებს „ვივამედში“ მყოფი მიხეილ სააკაშვილისთვის გადაღებულ და გავრცელებულ ფოტოებს, ვაშაძე განმარტავს, რომ ექიმების ინფორმაციით, მიხეილ სააკაშვილი დღეს გაცილებით მძიმე მდგომარეობაშია.

მიხეილ სააკაშვილის ჯანმრთელობის მდგომარეობა ძალიან მძიმეა. სამი თვის წინ გადაღებულია ეს ფოტოები და დღეს, როგორც ექიმები ამბობენ, გაცილებით მძიმე მდგომარეობაშია. ვხედავთ, საერთაშორისო საზოგადოების და ქართული საზოგადოების ძალიან მკაფიო პოზიციას. ერთადერთი, ვინც ცდილობს, კიდევ უფრო დაამძიმოს მისი მდგომარეობა „ქართული ოცნებაა“, რომელიც კანონის მოთხოვნის საწინააღმდეგოდ, პოლიტიკური ინტერესებით მოქმედებს. სამწუხაროდ, მაქსიმალურად წელავს პროცესს. სცენარი, რომელსაც გვთავაზობენ, არის ის, რომ თითქოს, თვითონ მიხეილ სააკაშვილია დამნაშავე ჯანმრთელობის მდგომარეობის გაუარესებაში. ფაქტია, რომ სამკურნალოა მიხეილ სააკაშვილი და ვერ მკურნალობენ. ყველამ უნდა გავაერთიანოთ ძალისხმევა, რომ რაც შეიძლება სწრაფად იყოს გადაყვანილი საზღვარგარეთ“, - აღნიშნავს ვაშაძე.

კითხვაზე, როგორ შეაფასებს, საერთაშორისო დემოკრატიული კავშირის მიერ სააკაშვილთან დაკავშირებით მიღებულ რეზოლუციას, სადაც ნათქვამია, რომ „ქართული ოცნება“ სააკაშვილთან დაკავშირებით პოლიტიკურ კუთხით ხელმძღვანელობს“ , ვაშაძე განმარტავს, რომ დასავლურ საერთაშორისო საზოგადოებაში მკაფიო პოზიციაა, რომ მიხეილ სააკაშვილის პატიმრობა პოლიტიკურია.

„რაც შეიძლება სწრაფად უნდა იყოს გადაყვანილი სამკურნალოდ. ეს განცხადებაც სწორედ ამას მოწმობს. ვფიქრობ, ამ წერილის ადრესატია ქართული საზოგადოებაც იმისთვის, რომ უფრო ვიაქტიუროთ, არ მივცეთ „ქართულ ოცნებას“ მესამე პრეზიდენტის მკვლელობის შესაძლებლობა“,- აღნიშნავს ვაშაძე.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება