ნიკა მელია - მოხარული ვარ, რომ პოლიტიკური საბჭოს წევრებმა, რომლებიც სხვა პოზიციაზე იყვნენ, რიგ საკითხებზე დამოკიდებულება შეიცვალეს - კარგი იქნებოდა, აქამდე მოგვეხერხებინა, მაგრამ "სჯობს გვიან, ვიდრე არასდროს"

„ნაციონალური მოძრაობის“ თავმჯდომარე ნიკა მელია პარტიის პოლიტიკური საბჭოს სხდომას დადებითად აფასებს და აცხადებს, რომ პოლიტიკური საბჭოს ზოგიერთმა წევრმა რიგ საკითხებთან დაკავშირებით დამოკიდებულება შეიცვალეს.

როგორც მელიამ ჟურნალისტებს სხდომის დასრულების შემდეგ განუცხადა, „ნაციონალური მოძრაობა“ უდიდესი და უმნიშვნელოვანესი გამოწვევების წინაშეა.

„მოხარული ვარ, რომ იმ პოლიტიკური საბჭოს წევრებმა, რომლებიც დღემდე სხვა პოზიციაზე იყვნენ, რიგ საკითხებთან დაკავშირებით დამოკიდებულება შეიცვალეს. მათ ეს რიტორიკაში ეტყობათ, მივესალმები კიდეც. კარგი იქნებოდა, რომ ეს აქამდე მოგვეხერხებინა, მაგრამ სჯობს გვიან, ვიდრე არასდროს. ვფიქრობ, უდიდესი და უმნიშვნელოვანესი გამოწვევების წინაშეა პარტია ისე, როგორც ეს იყო დაგეგმილი, თუნდაც თვენახევრის წინ. 9 ნოემბერი არის ის თარიღი, როდესაც გაკეთდა განცხადება ჩემთვის აბსოლუტურად მიუღებელი ფორმით, მაგრამ წარსულში წიაღსვლას ნამდვილად არ ვაპირებ. ჩემთვის მნიშვნელოვანია რა მოხდა დღეს და რა მოხდება ხვალ. ამიტომ, ჩემი შეფასებით, დღევანდელი პოლიტიკური საბჭოს ხდომა დადებითი იყო“, - განაცხადა მელიამ.

მისი თქმით, არა მხოლოდ პოლიტსაბჭოს დღევანდელ სხდომაზე, არამედ ბოლო თვეების განმავლობაში მუდმივად განიხილებოდა ექსპრეზიდენტ მიხეილ სააკაშვილის საკითხი.

„ხვალინდელი დღიდან კიდევ უფრო მაღალი ტემპით უკვე კონსენსუსის საფუძველზე მიღებული გადაწყვეტილების აღსრულება მოხდება მთლიანად პარტიის მხრიდან. ყველამ უნდა გავაცნობიეროთ, რომ სასამართლოს საბოლოო ვერდიქტის გამოტანის თარიღი არის მნიშვნელოვანი. მანამდე არაერთი სასამართლო პროცესი გაიმართება. გულშემატკივრები, მხარდამჭერები სასამართლო პროცესზე შევიკრიბებით“, - განაცხადა მელიამ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?