ეკა ხერხეულიძე - ყველა მზად ვართ, რომ მიხეილ სააკაშვილთან დაკავშირებით ვიყოთ ერთნი, განუყოფელნი

ნიკა მელიამ პერსონალურად ისაუბრა იმ გეგმებზე, თუ როგორ წარმოუდგენია მიხეილ სააკაშვილთან მიმართებაში პროცესების განვითარება. ეს არის ჩვენი შიდაპარტიული საქმე და აქაც ყველას თანადგომა მივიღეთ, ყველა მზად ვართ იმისთვის, რომ მიხეილ სააკაშვილთან დაკავშირებით ვიყოთ ერთნი, განუყოფელნი , - ამის შესახებ "ნაციონალური მოძრაობის" ერთ-ერთმა ლიდერმა ეკა ხერხეულიძემ პარტიის პოლიტსაბჭოს სხდომის დასრულების შემდეგ ჟურნალისტებთან განაცხადა.

მისივე თქმით, პოლიტსაბჭოზე განხილულ საკითხებზე აბსოლუტური მხარდაჭერა იყო.

"მას შემდეგ რაც არჩევნების ჩატარების ინიციატივით ჩვენი პოლიტსაბჭოს წევრების ნაწილი გამოვიდა, ნიკა მელიამ მიიღო ეს გამოწვევა. დღეს ჩატარდა პოლიტსაბჭო, სადაც მხარეებს ევალებოდათ წარმოედგინათ საკუთარი პროექტი, თუ რა ვარიანტით უნდა ყოფილიყო არჩევნები ჩატარებული, ის უნდა ყოფილიყო თუ არა ფართო ჩართულობის მქონე არჩევნები და როგორ განვითარდებოდა პროცესები. მიხეილ სააკაშვილის ჯანმრთელობის მდგომარეობიდან გამომდინარე ეს არის ის გამოწვევა, როდესაც სამოქმედო გეგმას წინასწარ ვერ განსაზღვრავ, მაგრამ მივიღეთ გადაწყვეტილება იმ საკითხებზე, რაც ამ ეტაპისთვის იყო შესაძლებელი და ეს გადაწყვეტილებებია შემდეგი: მხარემ, რომელმაც წარმოადგინა საკითხი არჩევნების ჩატარების წესთან დაკავშირებით, გახლდათ ნიკა მელიას მხარე, ეს იყო გიორგი ქართველიშვილი, რასაც ეყარა კენჭი და აბსოლუტური უმრავლესობით დაკმაყოფილდა პროექტი. იყო საკითხი რიცხვთან და თარიღთან დაკავშირებით თუ როდის უნდა ჩატარდეს არჩევნები - ეს საკითხი ასევე, ნიკა მელიას წარმომადგენელმა გიორგი ქართველიშვილმა დააყენა, შემდეგ კობა ნაყოფიამ დააყენა კონკრეტული თარიღი და ამ თარიღსაც ჰქონდა აბსოლუტური მხარდაჭერა. მესამე საკითხი ასევე, კობა ნაყოფიამ დააყენა, კომისიის შექმნასთან დაკავშირებით, თუ როგორ უნდა იყოს დაკომპლექტებული კომისია იმისთვის, რომ შეძლონ პროცესების მართვა და პასუხისმგებლობის აღება არჩევნების ჩატარებასთან დაკავშირებით და ამ საკითხზეც იყო აბსოლუტური მხარდაჭერა. მე არ ვიყავი არჩევნების მოსურვე, რადგან უფრო დიდი გამოწვევა გვაქვს ეს არის მიხეილ სააკაშვილის ჯანმრთელობის მდგომარეობა და ჩემთვის უმთავრესი საკითხი გახლავთ ეს, მაგრამ პარტიას აქვს თავისი ცხოვრება, დღის წესრიგი და რაკი ეს საკითხი გახდა აქტუალური, ბუნებრივია, ჩავერთე ამ პროცესში. ნიკა მელიამ პერსონალურად ისაუბრა იმ გეგმებზე როგორ წარმოუდგენია მიხეილ სააკაშვილთან მიმართებაში პროცესების განვითარება. ეს არის ჩვენი შიდაპარტიული საქმე და აქაც ყველას თანადგომა მივიღეთ, ყველა მზად ვართ იმისთვის, რომ მიხეილ სააკაშვილთან დაკავშირებით ვიყოთ ერთნი, განუყოფელნი და "ერთიანი ნაციონალური მოძრაობა" იყოს იმ ხაზზე, როგორც ახსოვს საზოგადოებას აქამდე", - განაცხადა ხერხეულიძემ.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა