ხატია დეკანოიძე - ახლა პრიორიტეტულია საერთაშორისო პარტნიორებთან ერთად გადაწყვეტილების მიღება, როგორ შეიძლება მიხეილ სააკაშვილის ჯანმრთელობის მდგომარეობა გადავარჩინოთ

„ნაციონალური მოძრაობის“ ერთ-ერთი ლიდერის, ხატია დეკანოიძის განცხადებით, ექსპრეზიდენტ მიხეილ სააკაშვილის ჯანმრთელობა ყოველგვარ პარტიულ ინტერესებზე მაღლა დგას.

როგორც მან პოლიტიკური საბჭოს სხდომის დასრულების შემდეგ ჟურნალისტებთან განმარტა, პარტიის თავმჯდომარის არჩევნების თარიღის გარდა, პოლიტიკური საბჭოს სხდომაზე მიხეილ სააკაშვილის ჯანმრთელობის მდგომარეობაზე იყო საუბარი.

„მომავალი კვირა არის ძალიან დატვირთული საერთაშორისო არენაზე. მომავალ კვირას გაიმართება მოსმენები ჩვენს საერთაშორისო პარტნიორებთან მიხეილ სააკაშვილის ჯანმრთელობის მდგომარეობასთან დაკავშირებით. ეს მოსმენები იქნება ძალიან მნიშვნელოვანი საერთაშორისო პრესისთვის. ჩვენ დაგეგმილი გვაქვს სხვადასხვა ვიზიტები. ჩემთვის ახლა პრიორიტეტული არის საერთაშორისო პარტნიორებთან ერთად გადაწყვეტილების მიღება, თუ როგორ შეიძლება მიხეილ სააკაშვილის ჯანმრთელობის მდგომარეობა გადავარჩინოთ. მიხეილ სააკაშვილის ჯანმრთელობა ყოველგვარ პარტიულ ინტერესებზე მაღლა დგას. დღევანდელი პოლიტსაბჭო პარტიისთვის ძალიან მნიშვნელოვანი იყო. პირადად შემიძლია გითხრათ, რომ ბევრი რამ განმტკიცდა. შემდგომი ნაბიჯები არის კომისიის შექმნა, რომელზეც მხარეებსაც ეყოლებათ თავისი წარმომადგენლები. უნდა განისაზღვროს და დამტკიცდეს ის პლატფორმა, რომელიც აუცილებელი იქნება დემოკრატიული არჩევნების ჩასატარებლად“, - განაცხადა დეკანოიძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება