იტალიის დედაქალაქ რომში მამაკაცმა ცეცხლი გახსნა, რის შედეგადაც სამი ქალი მოკლა და ოთხი ადამიანი დაჭრა.

შემთხვევა ჩრდილოეთრომში, ერთ-ერთ ბინაში მცხოვრებთა შეხვედრის დროს მოხდა.

57 წლის ეჭვმიტანილმა კლაუდიო კამპიმ ცეცხლი, სავარაუდოდ, საბინაო დავის გამო გახსნა. იტალიური გამოცემა Rai News იტყობინება, რომ ის ჩართული იყო მაცხოვრებელთა ასოციაციასთან უამრავ დავაში. სამართალდამცავებმა კლაუდიო კამპი დააკავეს.

მომხდართან დაკავშირებით რომის მერმა, რობერტო გუალტიერიმ საგანგებო სხდომა მოიწვია და ინციდენტი "ძალადობის მძიმე ეპიზოდად” შეაფასა.

აღსანიშნავია, რომ ერთ-ერთი გარდაცვლილი იტალიის პრემიერ-მინისტრის, ჯორჯია მელონის მეგობარი იყო.