ავსტრიის კანცლერის, კარლ ნეჰამერის განცხადებით, მზად არის გააგრძელოს დიალოგი რუსეთის პრეზიდენტ ვლადიმერ პუტინთან, თუ ეს ხელს შეუწყობს უკრაინაში ომის დასრულებას.

ნეჰამერმა ხაზი გაუსვა, რომ მისი ქვეყანა იცავს ნეიტრალიტეტს, მაგრამ არის რიგი საკითხები, რომლებიც მათთვის ფუნდამენტურია.

„ჩვენ ვართ ნეიტრალური ქვეყანა, გვაქვს სპეციალური სტატუსი ევროკავშირში და ამ მიზეზით ჩემთვის მნიშვნელოვანი იყო მოლაპარაკებებში შუამავლის როლის შესრულება. თუმცა, ჩვენ გვაქვს მკაფიო პოზიცია ჰუმანიტარული დერეფნების, ცეცხლის შეწყვეტისა და ომის დანაშაულების ობიექტური გამოძიებასთან დაკავშირებით“, - განაცხადა ავსტრიის კანცლერმა.

შეგახსენებთ, რუსეთის უკრაინაში სრულმასშტაბიანი შეჭრის დასაწყისში კარლ ნეჰამერი იყო პირველი ევროპელი ლიდერი, რომელიც პირადად შეხვდა პუტინს სიტუაციის განსახილველად. თუმცა, მაშინ, როგორც მოსალოდნელი იყო, კრემლის ხელმძღვანელის პოზიციაში რაიმე ძვრების მიღწევა ვერ მოხერხდა. ნეჰამერმა პუტინთან ასევე განიხილა ტყვეების გაცვლისა და უკრაინის პორტებიდან მარცვლეულის დერეფნის საკითხები.