პედაგოგთა და მეცნიერთა თავისუფალი პროფკავშირი განმარტავს, რატომ არ მონაწილეობს საქართველოს პროფესიული კავშირების გაერთიანების XV საიუბილეო ყრილობის მუშაობაში

საქართველოს პედაგოგთა და მეცნიერთა თავისუფალი პროფკავშირი (სპმთპ) განმარტავს, რატომ არ მონაწილეობს 12-13 დეკემბერს მიმდინარე, საქართველოს პროფესიული კავშირების გაერთიანების XV საიუბილეო ყრილობის მუშაობაში.

„მიმდინარე წლის 22 ოქტომბერს, საქართველოს პედაგოგთა და მეცნიერთა თავისუფალი პროფკავშირის (სპმთპ) XI საანგარიშო-საარჩევნო ყრილობის მიერ მიღებულ რეზოლუციაში მკაფიოდ არის განსაზღვრული საქართველოს პროფესიული კავშირების გაერთიანების რეფორმის განხილვის წესი: სპმთპ-ის ყრილობის რეზოლუციის მე-4 პუნქტის მიხედვით „საქართველოს პროფესიული კავშირების გაერთიანების რეფორმასთან დაკავშირებით გადაწყვეტილებები მიღებული იქნას სპმთპ-ის უმაღლეს კოლეგიურ ორგანოზე - სპმთპ-ის ყრილობაზე, სპმთპ-ის პირველად პროფკავშირულ ორგანიზაციებსა და რაიონული/საქალაქო ორგანიზაციების/აჭარის რესპუბლიკური საბჭოს ადგილობრივ საბჭოებზე განხილვის საფუძველზე“. შესაბამისად, სპმთპ-ის პრეზიდენტის, სპმთპ-ის აღმასრულებელი საბჭოს და სპმთპ-ის XI საანგარიშო-საარჩევნო ყრილობაზე არჩეული პროფესიული კავშირების გაერთიანების ყრილობის დელეგატების კომპეტენციას სცილდება საქართველოს პროფესიული კავშირების გაერთიანების წესდების ცვლილებების პროექტის შესახებ გადაწყვეტილების მიღება.

2021 წლის 7 ოქტომბერს, საქართველოს პროფესიული კავშირების გაერთიანების მე-14 ყრილობაზე პროფესიული კავშირების გაერთიანების თავმჯდომარემ რეფორმა დაანონსა. პროფესიული კავშირების გაერთიანების XV საიუბილეო რიგგარეშე ყრილობაზე განსახილველი წესდების პროექტი სპმთპ-ში ერთი წლის შემდეგ - 30 ნოემბერს გადმოიგზავნა და ყრილობის თარიღად 12-13 დეკემბერი განისაზღვრა. ასეთ მოკლე პერიოდში, სპმთპ ფიზიკურად ვერ შეძლებდა გაერთიანებული პროფკავშირების წესდების ცვლილებების პროექტის განხილვას, სპმთპ-ის XI საანგარიშო-საარჩევნო ყრილობის მიერ მიღებული რეზოლუციით განსაზღვრული წესის მიხედვით.

გამომდინარე ზემოაღნიშნულიდან, 5 დეკემბერს გამართული, სპმთპ-ის აღმასრულებელი საბჭოს გადაწყვეტილების საფუძველზე, სპმთპ-ის წევრების ინტერესების გათვალისწინებით, სპმთპ არ მონაწილეობს, 12-13 დეკემბერს მიმდინარე პროფესიული კავშირების გაერთიანების ყრილობის მუშაობაში. საქართველოს პროფესიული კავშირების გაერთიანების წესდების პროექტის განხილვები სპმთპ-ის 62 ადგილობრივ საბჭოსა და 2118 პირველად პროფკავშირულ ორგანიზაციაში მიმდინარეობს. წევრებთან განხილვების შედეგებს ჩვენი ორგანიზაციის რიგგარეშე ყრილობაზე, 2023 წლის თებერვლის ბოლოს შევაჯამებთ. იმ შემთხვევაში, თუ რეფორმასთან დაკავშირებით, სპმთპ-ის უმაღლესი ორგანო - ყრილობა უარყოფით გადაწყვეტილებას მიიღებს, ვიტოვებთ უფლებას სპმთპ-მა დატოვოს პროფესიული კავშირების გაერთიანება ამჟამად მოქმედი წესდების შესაბამისად.

საბოლოო გადაწყვეტილების მიღებას და სპმთპ-ის რიგგარეშე XII საანგარიშო ყრილობის მოწვევას 2023 წლის თებერვლის ბოლოს ვგეგმავთ,“ - აღნიშნულია საქართველოს პედაგოგთა და მეცნიერთა თავისუფალი პროფკავშირის განცხადებაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია