ანა აბაშიძე -  „ქართული ოცნების“ ამომრჩევლებისთვის შეურაცხყოფა არ მიმიყენებია, ეს არის ჩემი „პოსტის“ მანიპულაცია - მათ ხელშია გადაწყვეტილება და თუ უნდათ, რომ არ ამირჩიონ, შეუძლიათ არ ამირჩიონ

მე „ქართული ოცნების“ ამომრჩევლებისთვის შეურაცხყოფა არ მიმიყენებია, ეს არის „პოსტის“ მანიპულაცია - მათ ხელშია გადაწყვეტილება და თუ უნდათ, რომ არ ამირჩიონ, შეუძლიათ არ ამირჩიონ, მიზეზი თუ უნდათ, შეუძლიათ ერთ-ერთი ესეც იყოს, - ამის შესახებ სახალხო დამცველობის კანდიდატმა ანა აბაშიძემ განაცხადა, რითაც საპარლამენტო უმრავლესობის წევრის, ბექა დავითულიანის განცხადებას გამოეხმაურა.

მისი თქმით, ადამიანის უფლებათა კომიტეტის სხდომაზე, სადაც ომბუდსმენის კანდიდატებთან გასაუბრება შედგა და სადაც მის პოსტთან დაკავშირებით დაუსვეს კითხვა, ითხოვდა ეჩვენებინათ ეს „პოსტი“, თუმცა ეს არ გააკეთეს. მისივე თქმით, შემდეგში არაერთხელ ახსნა ეს საკითხი. აბაშიძის თქმით, მიუხედავად კონკრეტული დეპუტატის განცხადებისა, ვერ იტყვის რომ მისი კანდიდატურა გამორიცხულია.

„მე „ქართული ოცნების“ ამომრჩევლებისთვის შეურაცხყოფა არ მიმიყენებია, ეს არის პოსტის მანიპულაცია. მათ ხელშია გადაწყვეტილება და თუ უნდათ, რომ არ ამირჩიონ, შეუძლიათ არ ამირჩიონ. მიზეზი თუ უნდათ, შეუძლიათ ერთ- ერთი ესეც იყოს. თქვენ ნახეთ, გასაუბრებაზე ვითხოვდი კიდეც, რომ ეჩვენებინათ ჩემი „ფეისბუქ პოსტი“, რომლითაც შევძლებდი ამეხსნა ზუსტად ის, რომ ამომრჩევლისთვის შეურაცხყოფა არ მიმიყენებია, ამის საშუალება სამწუხაროდ, არ მომცეს, მერე ავხსენი არაერთხელ და კიდევ თუ ამაზე ვინმე ლაპარაკობს, ეს რა თქმა უნდა, შეიძლება იყოს მიზეზი, რატომ არ დამიჭერს მხარს.

ამ ადამიანს (ბექა დავითულიანს) მინდა ვუთხრა, რომ მშვიდად და თავისუფლად არ დამიჭიროს მხარი. ის, რომ „გამორიცხული“ ვარ, პრინციპულად მიუღებელი ვარ, მე არ მაქვს ასეთი ინფორმაცია, არც ის ვიცი, ვინ არის მისაღები, დახურულ კარს მიღმა საუბრობენ. ვერ ვიტყვი, რომ „გამორიცხული“ ვარ იმის მიუხედავად, რომ კონკრეტულმა დეპუტატმა თქვა, რომ არ ამირჩევს, მაგრამ იყოს ეს მისი აზრი, თვითონ იღებს გადაწყვეტილებას. თუ კითხვები დარჩა, შეუძლია მკითხოს, რა მოხდა და რა შუაშია ამომრჩეველი, თუ მას ნამდვილად უნდა სწორი გადაწყვეტილება მიიღოს. თუ იგივე აზრზე დარჩება, მე რა თქმა უნდა, მის აზრს პატივს ვცემ,“ - განაცხადა აბაშიძემ.

ცნობისათვის, საპარლამენტო უმრავლესობის წევრის, ბექა დავითულიანის განცხადებით, მზად არიან იმსჯელონ ნებისმიერ კანდიდატზე ანა აბაშიძისა და ნაზი ჯანეზაშვილის გარდა, რადგან ნაზი ჯანეზაშვილმა პარლამენტი შეურაცხყო, როცა გასაუბრებაზე არ მივიდა, ხოლო ანა აბაშიძეს „ფეისბუქზე“ ჰქონდა შეურაცხმყოფელი განცხადებები.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი