ჯოზეფ ბორელი - უნდა გადავხედოთ, თუ როგორ ვმუშაობთ „აღმოსავლეთ პარტნიორებთან“

დღეს შევხვდებით „აღმოსავლეთ პარტნიორობის“ ქვეყნების საგარეო საქმეთა მინისტრებს. ჩვენ უნდა გადავხედოთ, თუ როგორ ვმუშაობთ „აღმოსავლეთ პარტნიორებთან“, რადგანაც სამი ქვეყანა გახდა კანდიდატი და ერთი არის ძალიან შორს ევროკავშირისგან, მე ვგულისხმობ ბელარუსს, - ამის შესახებ საგარეო საქმეთა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა განაცხადა.

მისი თქმით, დღევანდელი მინისტერიალი აღმოსავლეთ პარტნიორებთან არის პირველი უკრაინაში ომის დაწყების შემდეგ და სასაუბრო ბევრია.

„რაც შეეხება ევროკავშირის საგარეო საქმეთა საბჭოს, ის რთული იქნება, რადგან დღის წესრიგში გვაქვს ირანის საკითხი და რუსეთის წინააღმდეგ სანქციების მეცხრე პაკეტი, რომელიც ჯერ დასრულებული არ არის. აქვე მინდა ხაზი გავუსვა, რომ ამ საკითხზე არსებობს ერთგვარი დაბნეულობა. როდესაც მე და კომისია ვაცხადებთ სანქციებს, ეს მხოლოდ წინადადებებია და გადაწყვეტილებას საბჭო იღებს და 27 მინისტრს განსხვავებული მიდგომა აქვს. ასე რომ, წინადადებები არ არის გადაწყვეტილება. იმედი მაქვს, შეთანხმებას მივაღწევთ, თუმცა ვერ ვიტყვი, რომ მარტივი იქნება, რადგან არსებობს სხვადასხვა ხედვა წევრ ქვეყნებს შორის“, - აღნიშნა ჯოზეფ ბორელმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავის ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო