ზურაბ აბაშიძემ ბრიუსელში აღმოსავლეთ პარტნიორობის საგარეო საქმეთა მინისტერიალის შეხვედრაში მიიღო მონაწილეობა

თბილისის საკრებულოს თავმჯდომარის მოადგილე, ზურაბ აბაშიძე ევროპის კავშირის საგარეო პოლიტიკის ხელმძღვანელის, ჯოზეფ ბორელისა და ევროკომისარ ოლივერ ვარჰეის მიწვევით სამუშაო ვიზიტით ბრიუსელში იმყოფებოდა, სადაც აღმოსავლეთ პარტნიორობის ადგილობრივ და რეგიონულ ხელისუფლებათა კონფერენციის (CORLEAP) თანათავმჯდომარის სტატუსით აღმოსავლეთ პარტნიორობის საგარეო საქმეთა მინისტერიალში მიიღო მონაწილეობა.

როგორც საკრებულოს მიერ გავრცელებულ ინფორმაციაშია ნათქვამი, ღონისძიების ფარგლებში, სიტყვით გამოსვლისას ზურაბ აბაშიძემ ყურადღება გაამახვილა აღმოსავლეთ პარტნიორობის პროგრამისა (EaP) და აღმოსავლეთ პარტნიორობის ადგილობრივ და რეგიონულ ხელისუფლებათა კონფერენციის (CORLEAP) მჭიდრო თანამშრომლობის აუცილებლობაზე.

როგორც თბილისის საკრებულოს თავმჯდომარის მოადგილემ აღნიშნა, ევროკავშირის წევრი სახელმწიფოებსა და აღმოსავლეთ პარტნიორობის ქვეყნების თანამშრომლობის გაძლიერება მოქალაქეების, ადგილობრივი თემებისა და რეგიონების ერთმანეთთან დაახლოების მიზნით განსაკუთრებით მნიშვნელოვანია. მისი თქმით, ქვეყნებს შორის პარტნიორობის გაღრმავების საქმეში უდიდეს როლს ასრულებს CORLEAP-ის წევრი ქვეყნების წარმომადგენელთა ყოველწლიური შეხვედრა, რომელიც 2023 წლის სექტემბერში საქართველოში, კერძოდ კი ბათუმში გაიმართება.

ღონისძიებაზე ევროკავშირისა და „აღმოსავლეთ პარტნიორობის“ მინისტერიალის მონაწილეებმა „აღმოსავლეთ პარტნიორობის“ სამომავლო პერსპექტივებზე იმსჯელეს და რუსეთის უკრაინაში შეჭრის გავლენებისა და რეგიონში შექმნილი უსაფრთხოების გამოწვევების შესახებ ისაუბრეს. ამასთან, მინისტერიალის ფარგლებში მხარეებმა განიხილეს ეკონომიკური და საინვესტიციო გეგმის, როგორც მწვანე და ციფრული ცვლილებების, ისე რეგიონის სოციალურ-ეკონომიკური აღდგენის ძირითადი საშუალების, შემუშავების საკითხი.

მინისტერიალი უსაფრთხოების პოლიტიკისა და საგარეო საკითხებში ევროკავშირის უმაღლესი წარმომადგენლის, ჯოზეფ ბორელის ხელმძღვანელობითა და ევროკომისარ ოლივერ ვარჰეის მონაწილეობით გაიმართა და მასში მონაწილეობას იღებდნენ ევროკავშირისა და საქართველოს, სომხეთის, აზერბაიჯანის, მოლდოვისა და უკრაინის საგარეო საქმეთა მინისტრები.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)