მასიმო დი ანჯელო - მიხეილ სააკაშვილი პოლიტიკური პატიმარია და სჭირდება გადაუდებელი დახმარება სიცოცხლის გადასარჩენად

ბიძინა ივანიშვილმა უნდა გადადგას ნაბიჯი, რომ შეარბილოს პოლარიზაცია, რომელიც დღეს არსებობს საქართველოში და ხელი შეუწყოს იმას, რომ პრეზიდენტი სააკაშვილი გადაიყვანონ სამკურნალოდ, - ამის შესახებ საქართველოს მესამე პრეზიდენტის, მიხეილ სააკაშვილის ამერიკელმა ადვოკატმა, მასიმო დი ანჯელომ სტრასბურგში გამართულ პრესკონფერენციაზე განაცხადა.

მასიმო დი ანჯელოს განცხადებით, სააკაშვილი არის პოლიტიკური პატიმარი და დღეს მას სჭირდება გადაუდებელი დახმარება სიცოცხლის გადასარჩენად.

„სიტუაცია ძალიან მძიმეა, თქვენ უნდა იცოდეთ, რომ საქართველოს მოსახლეობის უმეტესი ნაწილი არის პროევროპული და მათ უნდა, რომ საქართველო გახდეს ევროპის ნაწილი, ამიტომ პრეზიდენტ სააკაშვილის ჯანმრთელობა ძალიან მნიშვნელოვანია. ეს არის კაცი, რომელმაც დააყენა საქართველო ევროინტეგრაციის გზაზე, ის არის პოლიტიკური პატიმარი და დღეს მას სჭირდება გადაუდებელი დახმარება სიცოცხლის გადასარჩენად.

მე მაქვს, მასთან ურთიერთობა და მაქვს ურთიერთობა ექსპერტებთან, ჯეიმს კობისთან და დოქტორ სმიტთან. ისინი წერენ ანგარიშებს და შეადგინეს ანგარიში, სადაც აღნიშნულია, რომ ის არამხოლოდ ნაწამები იყო და მოწამლული, მას აძლევდნენ წამლებს, რომლებიც არ არის რეგისტრირებული საერთაშორისო სააგენტოების მიერ და მას სჭირდება სასწრაფო დახმარება იმისთვის, რომ მისი სიცოცხლე გადარჩეს და ბიძინა ივანიშვილმა უნდა გადადგას ნაბიჯი, რომ შეარბილოს ის პოლარიზაცია, რომელიც არსებობს დღეს საქართველოში და ხელი შეუწყოს იმას, რომ პრეზიდენტი სააკაშვილი გადაიყვანონ სამკურნალოდ", - განაცხადა მასიმო დი ანჯელომ, რომლის თარგმანიც „მთავარ არხს“ ეკუთვნის.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024