პერსონალურ მონაცემთა დაცვის სამსახურმა ბლოგების კონკურსში გამარჯვებული სკოლის მოსწავლეები დააჯილდოვა

პერსონალურ მონაცემთა დაცვის სამსახურმა ბლოგების კონკურსში გამარჯვებული სკოლის მოსწავლეები დააჯილდოვა, - ამის შესახებ ინფორმაციას პერსონალურ მონაცემთა დაცვის სამსახური ავრცელებს.

მათი ცნობით, I ადგილი ვლადიმერ კომაროვის თბილისის ფიზიკა მათემატიკის N199 საჯარო სკოლის მოსწავლემ - გიორგი ივანიძემ, II ადგილი ხარაგაულის მუნიციპალიტეტის სოფელ ხიდრის საჯარო სკოლის მოსწავლემ - მიშიკო ბერაძემ, III ადგილი კი წალკის მუნიციპალიტეტის სოფელ სამების საჯარო სკოლის მოსწავლემ - ანა გიგლემიანმა დაიკავეს.

„გამარჯვებულ მოსწავლეებს პერსონალურ მონაცემთა დაცვის სამსახურში, სამსახურის უფროსმა ლელა ჯანაშვილმა უმასპინძლა. მათ სერტიფიკატები, ასევე პრიზები- პლანშეტები და ბრენდირებული ნივთები გადასცა და წარმატებები უსურვა.

ლელა ჯანაშვილის განცხადებით, პერსონალურ მონაცემთა დაცვის სამსახური მუდმივად ცდილობს რომ საზოგადოების ცნობიერების ასამაღლაბლად სხვადასხვა აქტოვობები დაგეგმოს, მათ შორის ერთ-ერთი მნიშვნელოვანი სეგმენტი სწორედ სკოლა და მოსწავლეები არიან, შესაბამისად, სასიხარულოა რომ ბლოგების კონკურსმა დაინტერესება მთელი საქართველოს მასშტაბით გამოიწვია.

გამარჯვებულ მოსწავლეებს სიტყვით მიმართა, სამსახურის მოწვეულმა სპეციალურმა ჟიურიმ- მწერალმა დავით გორგილაძემაც.

„მე, ჩემი პერსონალური მონაცემები და ფართოდ გახელილი თვალები“ - ამ სათაურით მე-9, მე-10, მე-11 ან მე-12 კლასის მოსწავლეებისთვის ბლოგების კონკურსი პერსონალურ მონაცემთა დაცვის სამსახურმა გასულ თვეში გამოაცხადა. მონაწილეობა საქართველოს სხვადასხვა რეგიონიდან 60-მდე მოსწავლემ მიიღო. კონკურსის მიზანი სკოლის მოსწავლეებში პერსოანლურ მონაცემთა დაცვის მნიშვნელობის შესახებ ცნობიერების ამაღლება იყო.

პერსონალურ მონაცემთა დაცვის სამსახური მადლობას უხდის კონკურსის ყველა მონაწილეს ჩართულობისთვის. მსგავს აქტივობებს სამსახური მომავალშიც გააგრძელებს“,- ნათქვამია ინფორმაციაში.

გამარჯებული მოსწავლეების ნაშრომები შეგიძლით იხილოთ ბმულებზე: 1 - newadmin.personaldata.ge; 2-newadmin.personaldata.ge; 3 - newadmin.personaldata.ge.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო