გიორგი ფანგანმა ევროპული ენერგეტიკული ორგანიზაციის CEER-ის გენერალურ ასამბლეაში მონაწილეობა მიიღო

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წევრმა, გიორგი ფანგანმა ევროპის ენერგეტიკის მარეგულირებელთა საბჭოს (CEER) გენერალურ ასამბლეაში მიიღო მონაწილეობა.

საქართველოს ენერგეტიკისა და წყალმომარაგების მარეგულირებელი ეროვნული კომისიის ინფორმაციით, ასამბლეაში მონაწილეობდნენ სხვადასხვა ევროპული ქვეყნის ენერგეტიკის მარეგულირებელი კომისიების ხელმძღვანელი პირები.

გიორგი ფანგანის თქმით, CEER უმსხვილესი ევროპული ენერგეტიკული ორგანიზაციაა, რომლის დამკვირვებლის სტატუსიც სემეკს აქვს მინიჭებული.

„სემეკი 2017 წელს გახდა უმსხვილესი ენერგეტიკული ორგანიზაციის დამკვირვებელი, აღნიშნული სტატუსის მოპოვება გვეხმარება ევროპის ენერგეტიკული კანონმდებლობის იმპლემენტაციაში, ინტეგრირებული ბაზრების განვითარებასა და მარეგულირებელი საქმიანობის ევროპულ სტანდარტებთან დაახლოებაში. ზოგადად, სემეკის აქტიურადაა წარმოდგენილი საერთაშორისო ენერგეტიკულ ორგანიზაციებში და ჩვენი მისწრაფებაა, რომ კიდევ უფრო მეტად წარმოვაჩინოთ ქართული მარეგულირებლის განვითარების მაჩვენებლები ევროპელ კოლეგებთან, გავუზიაროთ ჩვენი გამოცდილება, მათ შორის ენერგეტიკული კრიზისის დაძლევის მიმართულებით“, - აღნიშნა გიორგი ფანგანმა.

მათივე ცნობით, 13 დეკემბერს, ქ. ბრიუსელში ევროპის ენერგეტიკის მარეგულირებელთა საბჭოს (CEER) რიგით 175-ე გენერალური ასამბლეა გაიმართა, სადაც მონაწილეებმა განიხილეს 2023 წლის სამუშაო გეგმა, გამანაწილებელი სისტემების, გაზის ბაზრის ინტეგრაციისა და გამჭვირვალობის საკითხები, მოისმინეს ინფორმაცია მომხმარებელთა და საცალო ბაზრების, ელექტროენერგიისა და საერთაშორისო ურთიერთობათა ჯგუფების მიერ განხორციელებული საქმიანობის შესახებ. სემეკის წევრ, გიორგი ფანგანთან ერთად ასამბლეას დაესწრო სემეკის საერთაშორისო ურთიერთობათა დეპარტამენტის დირექტორი, მარიამ იოსელიანი.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)