მიხეილ სააკაშვილის ადვოკატი - „შერეკილებში“ არის ასეთი კარგი ფრაზა, „ნუ იციან ამ ბრეგაძეებმა სულელური ლაპარაკი“ - ჩვენ თვითონ ვითხოვთ კადრები მოგვეცით-მეთქი

საქართველოს მესამე პრეზიდენტის, მიხეილ სააკაშვილის ერთ-ერთი ადვოკატის, შალვა ხაჭაპურიძის განცხადებით, იუსტიციის სამინისტრო არის ჩამოშლილი და ამას მიხეილ სააკაშვილის დღევანდელი პროცესიც მოწმობს. როგორც მან ჟურნალისტებს განუცხადა, ხელისუფლება პროცესის გაჭიანურებას ცდილობს.

"უბრალოდ, სირცხვილია, იუსტიციის სამინისტრო არის ჩამოშლილი. შეუძლიათ მხოლოდ რაღაც კადრების გამოქვეყნებაზე ილაპარაკონ. საუბარია იმასთან დაკავშირებით, რომ პენიტენციური სამსახური თურმე საქმის მასალებს ვერ გაეცნო, ამ დროს ეს მასალები ჯერ კიდევ 9 დეკემბერს იყო წარდგენილი. უბრალოდ, როგორც ჩანს, დოკუმენტებში ისეთი მტკიცებულებები უნდა აღმოეჩინათ, რომელიც მათ პოზიციას აბსოლუტურად აცამტვერებს. ახლა გაჭიანურების რეჟიმზე გადავიდნენ", - განაცხადა ხაჭაპურიძემ.

მისი თქმით, სასამართლოზე წარმოდგენილი დოკუმენტებით მტკიცდება, რომ მიხეილ სააკაშვილს ადეკვატური მკურნალობა არ უტარდება და ვერც ჩაუტარდება საქართველოში.

"მოვითხოვეთ, რა დოკუმენტებს აგზავნიან სტრასბურგში ყოველთვიურად იუსტიციის სამინისტროდან. გვეუბნებიან, რომ სიმულიანტობს. ეს დოკუმენტები მთელი თვეების განმავლობაში იუსტიციის სამინისტრომ არ მოგვცა, ასევე ჯანდაცვის სამინისტრომ. წამლებთან დაკავშირებით უამრავი თემატიკა იყო. დაახლოებით 7 ტომი მაინც იყო ეს მიმოწერები, რაზეც პასუხს არ იძლევიან, ამიტომ სასამართლოს მოვთხოვეთ",-განაცხადა ხაჭაპურიძემ.

ადვოკატის განმარტებით, დაცვის მხარე 22 დეკემბერს ძირითად შუამდგომლობას დააყენებს და შემდეგ მოწმეების დაკითხვა დაიწყება. გარდა ამისა, მან იუსტიციის მინისტრის რატი ბრეგაძის განცხადებაც შეაფასა.

ფილმ „შერეკილებში" არის ასეთი კარგი ფრაზა, ნუ იციან ამ ბრეგაძეებმა სულელური ლაპარაკი, ჩვენ თვითონ ვითხოვთ კადრები მოგვეცით-მეთქი. გაასაჯაროონ თუ რამის გასაჯაროება უნდა, დაგვანებოს თავი", - განაცხადა ხაჭაპურიძემ.

მისივე თქმით, ეს საკითხი სასამართლოში უნდა გადაწყდეს და არა ქუჩაში. "ვეუბნებით, თუ სიმულანტები ვართ, დაგვიმტკიცეთ, თუ მატყუარები ვართ, დაგვიმტკიცეთ. არაფერს ამბობენ და გარბიან",-განაცხადა ხაჭაპურიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024