შალვა ხაჭაპურიძე - პენიტენციურმა სამსახურმა მოიტყუა, თითქოს ტექნიკურად ჩართვის ორგანიზება ვერ მოხერხდა - ყველაფერი მზად იყო „ვივამედში“ იმისთვის, რომ სააკაშვილი ჩართულიყო

ყველაფერი მზად იყო კლინიკა „ვივამედში“ იმისთვის, რომ მიხეილ სააკაშვილი ჩართულიყო, - პენიტენციურმა სამსახურმა მოიტყუა, როდესაც თქვა, რომ ტექნიკურად ჩართვის ორგანიზება ვერ მოხერხდა, ეს არის „შაბათის შოუს” სიუჟეტი, - ამის შესახებ საქართველოს მესამე პრეზიდენტის ადვოკატმა, შალვა ხაჭაპურიძემ კლინიკა ,,ვივამედში” მიხეილ სააკაშვილის მონახულებმდე განაცხადა.

მისივე თქმით, კლინიკა ,,ვივამედში” პენიტენციური სამსახურის თანამშრომლები ბმულს ელოდებოდნენ, რომ მიხეილ სააკაშვილი სასამართლო პროცესზე ჩაერთოთ და ეს ბმული მათ არ მიუვიდათ.

„რა თქმა უნდა, „ვივამედი“ აქ არაფერ შუაში არ არის, პენიტენციურ სამსახური დაქვემდებარებულია იუსტიციის სამინისტროსთან და მინისტრთან, ერთადერთი ბმული ინტერნეტით უნდა გამოეგზავნათ. აქ არსებობს ისეთი ტექნიკა, რომლითაც დაახლოებით, ნახევარ წუთში მოხდებოდა ამის ორგანიზება. „ვივამედში“ ლეპტოპებიც აქვთ. პენიტენციურს უნდა გაეკეთებინა, მაგრამ პენიტენციურმა განზრახ არ გააკეთა. „ვივამედი“ ნებისმიერ დროს იქნება მზად , 24 საათის განმავლობაში უზრუნველყოს კომპიუტერი, თუმცა ეს კომპიუტერი „ვივამედის“ იქნება თუ პენიტენციურის, არსებითი მნიშვნელობა არ აქვს, ტელეფონითაც შეიძლება ამის გაკეთება.

პენიტენციური სამსახურის თანამშრომლები ბმულს ელოდებოდნენ და ეს ბმული არ მიუვიდათ. ჩემს ადვოკატს უთხრეს, რომ ბმული არ მიუვიდა. მიზეზი არის ის, რომ არ უნდათ მიხეილ სააკაშვილი მომაკვდავ მდგომარეობაში გამოაჩინონ.

ილია ლომიას უთხრეს, რომ ბმული პენიტენციურ სამსახურიდან არ მოსვლიათ. თუ ბმულს მიიღებდნენ მიხეილ სააკაშვილი მზად იყო, ადვოკატიც, ილია ლომიაც აქ იმყოფებოდა, ტექნიკაც მზად იყო. ყველაფერი მზად იყო იმისთვის, რომ მიხეილ სააკაშვილი ჩართულიყო, შესაბამისად, პენიტენციურმა სამსახურმა მოიტყუა, როდესაც თქვა, რომ ტექნიკურად ჩართვის ორგანიზება ვერ მოხერხდა, ეს არის „შაბათის შოუს” სიუჟეტი”, - განაცხადა ხაჭაპურიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024