ირაკლი ღარიბაშვილი აზერბაიჯანის რესპუბლიკის პრემიერ-მინისტრს ალი ასადოვს შეხვდა

საქართველოს პრემიერ-მინისტრი ირაკლი ღარიბაშვილი აზერბაიჯანის რესპუბლიკის პრემიერ-მინისტრს ალი ასადოვს შეხვდა.

მთავრობის ადმინისტრაციის ინფორმაციით, მთავრობის ადმინისტრაციაში გამართულ პირისპირ შეხვედრაზე საუბარი ორ ქვეყანას შორის არსებულ სტრატეგიულ თანამშრომლობას და მჭიდრო მეგობრულ ურთიერთობებს შეეხო. ხაზი გაესვა საქართველოსა და აზერბაიჯანის რესპუბლიკას შორის არსებულ მაღალი დონის სტრატეგიულ პარტნიორობას.

"ირაკლი ღარიბაშვილმა და ალი ასადოვმა ორ ქვეყანას შორის პოლიტიკური, ეკონომიკური, სატრანსპორტო, ენერგეტიკული, ჰუმანიტარული მიმართულებებით არსებული მჭიდრო და ნაყოფიერი თანამშრომლობის კიდევ უფრო გაღრმავების პერსპექტივები მიმოიხილეს.

აღინიშნა, რომ ორ ქვეყანას შორის მაღალი პოლიტიკური დიალოგი არსებობს და ამ კონტექსტში ხაზი გაესვა საქართველოში აზერბაიჯანის რესპუბლიკის პრეზიდენტის ილჰამ ალიევის ვიზიტის მნიშვნელობას.

საუბარი ასევე შეეხო უსაფრთხოების ვითარებას რეგიონსა და მსოფლიოში", - ნათქვამია ინფორმაციაში.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა