თეა ახვლედიანი - მშვიდობის ფონდის ამოქმედების დღიდან 3 საგრანტო კონკურსი ჩატარდა, რომლის ფარგლებში, 200-ზე მეტი ქართულ-აფხაზური/ქართულ-ოსური საპროექტო განაცხადი შემოვიდა და 75 პროექტი დაფინანსდა

შერიგებისა და სამოქალაქო თანასწორობის საკითხებში სახელმწიფო მინისტრის თეა ახვლედიანის განცხადებით, მშვიდობის ფონდის ამოქმედების დღიდან 3 საგრანტო კონკურსი ჩატარდა, რომლის ფარგლებში, ჯამში 200-ზე მეტი ქართულ-აფხაზური/ქართულ-ოსური საპროექტო განაცხადი შემოვიდა და 75 პროექტი დაფინანსდა. ამის შესახებ ახვლედიანმა პარლამენტის პლენარულ სხდომაზე “მინისტრის საათის” ფორმატში გამოსვლისას განაცხადა.

მინისტრმა ისაუბრა სამშვიდობო ინიციატივაზე - „ნაბიჯი უკეთესი მომავლისკენ“ ფარგლებში მოქმედი მშვიდობის ფონდის საქმიანობაზე.

„განსაკუთრებით მინდა აღვნიშნო სამშვიდობო ინიციატივის „ნაბიჯი უკეთესი მომავლისკენ" ფარგლებში, ორიოდე წლის წინ ამოქმედებული მშვიდობის ფონდის საქმიანობის მნიშვნელობა, რომელიც გამყოფი ხაზის ორივე მხარეს ბიზნეს-პროექტების დაფინანსებასა და ამგვარად, ომით დაშორებული საზოგადოების წევრებს შორის, ვაჭრობის წახალისებას ისახავს მიზნად. საერთაშორისო დონორების კონტრიბუციების, კერძოდ, გერმანიის, შვეიცარიისა და გაერთიანებული სამეფოს ფინანსური მხარდაჭერის საფუძველზე, ფონდმა უკვე ჩაატარა სამი საგრანტო კონკურსი, რომლის ფარგლებში, ჯამში 200-ზე მეტი ერთობლივი ქართულ-აფხაზური/ქართულ-ოსური საპროექტო განაცხადი იყო წარმოდგენილი, რომელთაგან დაფინანსება 75 პროექტმა მიიღო. ფონდის საქმიანობა და საპროექტო განაცხადების სტაბილური მატება ცხადყოფს, ოკუპირებულ რეგიონებში კომერციული კავშირების მიმართ მზარდ ინტერესს", - აღნიშნა მინისტრმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024