თეა ახვლედიანი - სამოქალაქო თანასწორობისა და ინტეგრაციის სახელმწიფო სტრატეგიამ, მაღალი შეფასება მიიღო როგორც ეროვნულ უმცირესობათა საკითხებში ეუთოს უმაღლესი კომისრის, ასევე ადგილობრივი და საერთაშორისო ექსპერტული წრეების მხრიდან

სამოქალაქო თანასწორობისა და ინტეგრაციის სახელმწიფო სტრატეგიამ, მაღალი შეფასება მიიღო როგორც ეროვნულ უმცირესობათა საკითხებში ეუთოს უმაღლესი კომისრის, ასევე ადგილობრივი და საერთაშორისო ექსპერტული წრეების მხრიდან, - ამის შესახებ სახელმწიფო მინისტრმა თეა ახვლედიანმა პარლამენტში განაცხადა.

მისი თქმით, სტრატეგია, ღია და დემოკრატიული პრინციპების სრული დაცვით შემუშავებული, მაღალი ლეგიტიმაციის დოკუმენტია, რომელიც მიზნად ისახავს არსებითი შედეგების მიღწევას 5 სტრატეგიული პრიორიტეტული მიმართულებით.

„მოგახსენებთ სამოქალაქო თანასწორობისა და ინტეგრაციის სახელმწიფო პოლიტიკის თაობაზე და იმ შედეგებზე, რაც მიღწეულ იქნა, შარშან დამტკიცებული ახალი 10-წლიანი სახელმწიფო სტრატეგიის სამოქმედო გეგმის პირველი, ორწლიანი ციკლის განხორციელების ფარგლებში.

აღნიშნულმა სტრატეგიამ, რომელიც წარმოადგენს ხელისუფლების მკაფიო განაცხადს ჩვენს ქვეყანაში კულტურულად მრავალფეროვანი და დემოკრატიული საზოგადოების შემდგომი განმტკიცებისთვის, მაღალი შეფასება მიიღო როგორც ეროვნულ უმცირესობათა საკითხებში ეუთოს უმაღლესი კომისრის, ასევე ადგილობრივი და საერთაშორისო ექსპერტული წრეების მხრიდან და ხაზი გაესვა მის სრულ შესაბამისობას საერთაშორისო პრინციპებსა და სტანდარტებთან.

ვფიქრობ მნიშვნელოვანია აღინიშნოს, რომ მაღალი შეფასების დამსახურებას წინ უძღოდა მასშტაბური სამუშაო, რაც პირველ რიგში უკავშირდება, ჩვენი ინიციატივით მოწვეული დამოუკიდებელი ექსპერტების მიერ, ჩვენი ბოლო წლების საქმიანობის ყოვლისმომცველ შეფასებას მიღწეული პროგრესისა და ჯერ კიდევ არსებული გამოწვევების გამოვლენის მიზნით, რასაც შემდგომ დაეფუძნა ახალი სტრატეგიული გეგმის შემუშავების ღია და ინკლუზიური პროცესი, რომელიც ყველა შესაბამისი ადგილობრივი და საერთაშორისო პარტნიორის აქტიური მონაწილეობითა და სამოქალაქო საზოგადოების ფართო ჩართულობით წარიმართა. ამასთან, გათვალისწინებულ იქნა გასული წლების გამოცდილება, ისევე როგორც საერთაშორისო მექანიზმების ფარგლებში მიღებული რეკომენდაციები. აღსანიშნავია, რომ პროცესში ჩართული იყვნენ ეთნიკური უმცირესობების წარმომადგენლები; ასევე, სტრატეგიის შემუშავების დასკვნით ეტაპზე უზრუნველყოფილ იყო ყველა დაინტერესებული პირის მხრიდან მოსაზრების გამოხატვისა და წვლილის შეტანის შესაძლობელობა. ამდენად, სტრატეგია, ღია და დემოკრატიული პრინციპების სრული დაცვით შემუშავებული, მაღალი ლეგიტიმაციის დოკუმენტია, რომელიც მიზნად ისახავს არსებითი შედეგების მიღწევას 5 სტრატეგიული პრიორიტეტული მიმართულებით“, - განაცხადა თეა ახვლედიანმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)