ხატია დეკანოიძე - მიშა ჩემთვის არ არის მხოლოდ პარტია და მანდატი, ამიტომ მანდატების დატოვების საკითხს განვიხილავთ მაშინ, როცა ეს იქნება საჭირო - ახლა ეს არ განიხილება

მიშა ჩემთვის არ არის მხოლოდ პარტია და მანდატი, ამიტომ მანდატების დატოვების საკითხს განვიხილავთ მაშინ, როცა ეს იქნება საჭირო. ეს ახლა არ განიხილება, - ამის შესახებ ფრაქცია "ნაციონალური მოძრაობის" თავმჯდომარე ხატია დეკანოიძემ ჟურნალისტებთან განაცხადა.

მისი თქმით, ისინი განიხილავენ ყველა ბერკეტს, რომელიც შედეგიანი იქნება მიხეილ სააკაშვილის სიცოცხლის გადასარჩენად.

"ჩვენ განვიხილავთ ყველაფერს, მაგრამ იმ ბერკეტებს, რომელსაც ექნება შედეგი. მე მესმის, შეიძლება ჰქონდეთ ჩვენს მეგობრებს, ახლობლებს, ამომრჩევლებს კრიტიკული დამოკიდებულება, მაგრამ მე როგორც ფრაქციის თავმჯდომარე, რომელიც ძალიან განიცდის მიხეილ სააკაშვილის ჯანმრთელობის მდგომარეობას და მიშა ჩემთვის არ არის მხოლოდ მანდატი და პარტია და ჩემი მეგობრებისთვისაც, ამ საკითხს განვიხილავთ მაშინ, როცა ეს იქნება საჭირო, ეს ახლა არ განიხილება," - განაცხადა დეკანოიძემ.

მან ასევე განმარტა სხდომის დატოვების მიზეზები და აღნიშნა, რომ იუსტიციის მინისტრთან, რომელსაც დღეს უნდა მოუსმინონ, კითხვები არ აქვთ, რადგან ის სისხლის სამართლის დამნაშავეა.

"ეს ადამიანი აუცილებლად წარდგება მართლმსაჯულების წინაშე, ის არის სისხლის სამართლის დამნაშავე. მე ჩემი სათქმელი მას ვუთხარი, მასთან რა კითხვა უნდა მქონდეს? - ის არის სისხლის სამართლის დამნაშავე. ამ ადამიანს, რომელმაც ჩაიდინა სისხლის სამართლის დანაშაული, რომელიც კლავს მესამე პრეზიდენტს პირდაპირ, ვუთხარი ჩემი სათქმელი ჩემი მეგობრების, ასევე საქართველოს საზოგადოების სახელით და მასთან ჩვენ კითხვები არ გვაქვს. ასევე იცით, მეორე დღეა ჩემი მეგობრების შიმშილობის და მნიშვნელოვანია ძალები დაზოგონ," - განაცხადა დეკანოიძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი