„საქართველოს რკინიგზა“ 2022 წლის საუკეთესო წლიური ანგარიშისა და გამჭვირვალობის ჯილდოს (BARTA) გამარჯვებული გახდა - ნომინაციაში მსხვილი არასაფინანსო კომპანია.

ამის შესახებ ინფორმაციას „საქართველოს რკინიგზა“ ავრცელებს.

„BARTA 2019 წელს ევროკავშირისა და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის ფარგლებში დაარსდა.

2022 წელს აღნიშნულ კონკურსში მონაწილეობა 200-ზე მეტმა კომპანიამ მიიღო. გამარჯვებულები საერთაშორისო ჟიურიმ გამოავლინა, რომელიც ქართველი და უცხოელი ექსპერტებისგან იყო დაკომპლექტებული“, - ნათქვამია ინფორმაციაში.