იუსტიციის სამინისტრო სამართლის ისტორიის ჰოლოგრამულ მუზეუმზე მუშაობს. ამის შესახებ საქართველოს იუსტიციის მინისტრმა რატი ბრეგაძემ პარლამენტში „მინისტრის საათის“ ფორმატში გაკეთებული მოხსენებისას განაცხადა.

მუზეუმის მიზანი სამართლის ისტორიის პოპულარიზაციაა.

„ქართველებს შეგვიძლია, ვიამაყოთ ჩვენი სამართლის ისტორიით და გავაცნოთ იგი ფართო საზოგადოებას. შემეცნების პროცესის ხელშესაწყობად მივიღეთ გადაწყვეტილება, გამოვიყენოთ თანამედროვე ტექნოლოგიები და გავხსნათ სამართლის ისტორიის ჰოლოგრამული მუზეუმი, რაც იქნება ქართული სამართლის ისტორიით დაინტერესებულ პირთა საყვარელი ადგილი და, ასევე, მრავალს გაუღრმავებს ჩვენი სამართლისა და კულტურის უკეთ შესწავლის ინტერესს“, - განაცხადა იუსტიციის მინისტრმა.