ბექა დავითულიანი - „ნაციონალური მოძრაობა“ ნამდვილადაა დამძიმებული იმ ცოდვით, რომ იყვნენ მკვლელების პოლიტიკური თანამზრახველები - ამიტომ არიან იმ მორალურ ნიშნულზე, საიდანაც შეუძლიათ ბავშვების ხსენება

„ნაციონალური მოძრაობა“ ნამდვილად არის დამძიმებული იმ ცოდვით, რომ იყვნენ მკვლელების პოლიტიკური თანამზრახველები. სწორედ ამიტომ არიან იმ მორალურ ნიშნულზე, საიდანაც შეუძლიათ ბავშვების ხსენება, - ასე გამოეხმაურა „ქართული ოცნების“ დეპუტატი ბექა დავითულიანი „ნაციონალური მოძრაობის“ დეპუტატის ანა წითლიძის განცხადებას, რომელმაც აღნიშნა, რომ რატი ბრეგაძის ქმედებებზე პასუხისგება მის შვილებს მოუწევთ.

„გამოვეხმაურები იმ პერფორმანსს, რომელიც აქ ჩვენმა ოპონენტებმა დადგეს. გვიწოდებდნენ ვითომ მკვლელებსა და ბავშვები ატარებენო იმ ცოდვას, რომელსაც თქვენ ჩადიხართო. ისინი ნამდვილად არიან დამძიმებული იმ ცოდვით, რომ იყვნენ მკვლელების პოლიტიკური თანამზრახველები. სწორედ ამიტომ არიან იმ მორალურ ნიშნულზე, საიდანაც შეუძლიათ ბავშვების ხსენება. სხვა და ჩვენ ამას ნამდვილად ვერ ვახსენებდით, დარწმუნებული ვარ. რაც შეეხება შვილებს, მათ ვუსურვებ ბედნიერებასა და წარმატებას. რატი ბრეგაძის შვილებსაც და მათ შვილებსაც უკლებლივ. ვუსურვებ ისეთ ქვეყანაში ცხოვრებას, სადაც პოლიტიკურ დღის წესრიგს ამ მორალური კატეგორიებიდან ვერავინ შექმნის.

რაც შეეხება კითხვას, ვიხილეთ კადრები. რომ გითხრათ, ვინმეში კმაყოფილებას იწვევს ეს კადრები, რაც გავრცელდა პატიმარ სააკაშვილთან დაკავშირებით, ალბათ არა, დარწმუნებული ვარ, არც თქვენში და არც არავისში. თუმცა სულ ორი გზაა, ერთი, რომ იმ ჯანმრთელობის მდგომარეობაზე მიდის რაღაცნაირი სიმულაცია ან ეს პატიმარი არის მძიმე ფსიქოლოგიურ მდგომარეობაში. პირველ შემთხვევაში ყველაფერი გასაგებია და მეორე შემთხვევაში თუ მიდის ამ კუთხით კვლევა, თუ აქვთ დასკვნა დაწერილი ფსიქიატრებსა და ფსიქოლოგებს და რაიმე სპეციფიკურ მკურნალობას ხომ არ საჭიროებს. მესმის პერსონალური მონაცემებია, მაგრამ შეფასება თუ არის გაკეთებული დარგის სპეციალისტების მხრიდან?!“- განაცხადა დავითულიანმა.

ცნობისთვის, ფრაქცია „ნაციონალური მოძრაობის“ წევრებმა პლენარულ სხდომათა დარბაზი დატოვეს. მანამდე კი ფრაქციის დეპუტატებმა სხდომათა დარბაზში პლაკატები მიიტანეს, სადაც პენიტენციური სამსახურის მიერ გავრცელებული ვიდეოკადრებიდან ამოჭრილი საქართველოს მესამე პრეზიდენტის მიხეილ სააკაშვილის ფოტოები იყო ასახული. დარბაზის დატოვებამდე ფრაქციის დეპუტატმა ანა წითლიძემ რატი ბრეგაძეს მიმართა და აღნიშნა, რომ „მის ქმედებებზე პასუხისგება მის შვილებს მოუწევთ“.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 02.02.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
Samsung-მა უახლესი Galaxy S23 სერია წარადგინა
GM PHARMA-ს ხარისხის კონტროლისა და მიკრობიოლოგიური ლაბორატორიების აღიარება
„ბიზნეს დიალოგი“ – „ლიბერთის“ ინიციატივა რეგიონებში
Mastercard, USAID და საქართველოს ფინტექ ასოციაცია მცირე და საშუალო ბიზნესებისთვის Tap on Phone პროექტს წარადგენენ
თბილისში „სიმეტრიას“ მიერ განვითარებული საერთაშორისო ბრენდის ახალი სასტუმრო - Holiday Inn Express Tbilisi Avlabari გაიხსნა
იოსებ კეჭაყმაძის საკომპოზიტორო შემოქმედება და ფონდი „ქართული გალობა“
ექსპერტიზის ბიურო მომსახურების განახლებულ ტარიფებთან დაკავშირებით განცხადებას ავრცელებს
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება