პარლამენტთან აქციაზე “ანტიკორუფციული მოძრაობის” 2 წევრი დააკავეს

პარლამენტთან საპროტესტო აქციაზე “ანტიკორუფციული მოძრაობის” 2 წევრი - დათო დიღმელაშვილი და ლუკა კორკოტაშვილი დააკავეს.

ამის შესახებ “ინტერპრესნიუსს” ორგანიზაციის ერთ-ერთმა ლიდერმა, ირაკლი ფავლენიშვილმა განუცხადა.

“დღეს “ანტიკორუფციული მოძრაობის” წარმომადგენლებმა პარლამენტთან აქცია გავმართეთ, რატი ბრეგაძის პარლამენტში მისვლასთან დაკავშირებით. ის არის კრემლის ინსტრუქციის ამსრულებელი და საქართველოს მესამე პრეზიდენტის წამებასა და მოწამვლაში იღებს მონაწილეობას. ამ ვიდეოკადრებით, რომელიც მიხეილ სააკაშვილის წამებას ასახავს, მინისტრი ფაქტობრივად ამაყობს. ის არათუ შეუფერებელია დაკავებული თანამდებობისთვის, არამედ შეიძლება ითქვას, რომ სისხლის სამართლის დანაშაულიც აქვს ჩადენილი. მის საწინააღმდეგო საპროტესტო აქცია გავმართეთ და მოვითხოვეთ მიხეილ სააკაშვილის ჰუმანიტარული "ტრანსფერი". ეს აქციები აუცილებლად გაგრძელდება. სამწუხაროდ, ამ აქციაზე რუსულ, მილიციურ სტილში ჩვენი ორი თანამებრძოლი - დათო დიღმელაშვილი და ლუკა კორკოტაშვილი დააკავეს. ისინი უბრალოდ იდგნენ და გამოხატავდნენ თავის მოქალაქეობრივ პოზიციას”, - განაცხადა ირაკლი ფავლენიშვილმა.

ცნობისთვის, ამ წუთებში "ანტიკორუფციული მოძრაობის" წევრები მათი ორი წარმომადგენლის დაკავებას თაბუკაშვილის ქუჩაზე მდებარე პოლიციის ოფისთან აპროტესტებენ. ცოტა ხნის წინ ადგილზე მივიდა "ნაციონალური მოძრაობის" ერთ-ერთი ლიდერი ლევან ხაბეიშვილი.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს