შალვა პაპუაშვილი კორეის რესპუბლიკის დელეგაციას შეხვდა

პარლამენტის თავმჯდომარე შალვა პაპუაშვილი კორეის რესპუბლიკის ქალაქ ბუსანის „Word Expo 2030“-ის განაცხადის მხარდაჭერის სპეციალური კომიტეტის წევრებს შეხვდა.

პარლამენტის პრესსამსახურის ინფორმაციით, შალვა პაპუაშვილმა ხაზი გაუსვა საქართველოსა და კორეის რესპუბლიკას შორის დიპლომატიური ურთიერთობების 30-ე წლისთავს და მადლიერება გამოხატა კორეული მხარის მიერ საქართველოს მხარდაჭერისთვის.

„მხარეებმა პოზიტიურად შეაფასეს კორეის რესპუბლიკაში განხორციელებული საქართველოს პარლამენტის თავმჯდომარის ვიზიტი. შალვა პაპუაშვილმა აღნიშნა, რომ მოუთმენლად ელის კორეის ეროვნული ასამბლეის თავმჯდომარის ვიზიტს საქართველოში, რომელიც მომავალ წელს არის დაგეგმილი.

კორეულმა მხარემ ისაუბრა „Word Expo 2030“-ის ქ. ბუსანში ჩატარების მნიშვნელობაზე. აღინიშნა, რომ ეს ღონისძიება საინტერესო იქნება ახალი ერთობლივი პროექტებისა და ინიციატივების განსაზღვრის კუთხით. კორეულმა მხარემ იმედი გამოთქვა, რომ საქართველო მხარს დაუჭერს კორეის კანდიდატურას.

ამასთან, შეხვედრაზე საუბარი შეეხო საქართველოსა და კორეის რესპუბლიკას შორის თანამშრომლობას, მათ შორის, საპარლამენტო და კერძო სექტორს შორის კავშირებს.

ხაზი გაესვა ასევე ნენსკრა ჰესის პროექტზე მუშაობის გაგრძელების მნიშვნელობას და საქართველოსა და კორეის რესპუბლიკას შორის თავისუფალი ვაჭრობის რეჟიმის შემოღებას“,- ნათქვამია ინფორმაციაში.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე