„საქართველოს ბანკისა“ და EBRD-ის დახმარებით კომპანია „დეილი“ 50 ახალ ფილიალს გახსნის

„საქართველოს ბანკი“ პარტნიორებთან ერთად ბიზნესების გაძლიერებას ხელს უწყობს. ამ მიზნით, ბანკმა და EBRD-მა მაღაზიების ქსელ „დეილისთან“ ერთად პარტნიორობის შესახებ ხელშეკრულება გააფორმეს, რომლის შედეგადაც კომპანია 50 ახალ მაღაზიას გახსნის. ინფორმაციას „საქართველოს ბანკი“ ავრცელებს.

მათივე ცნობით, პროექტის ჯამური ღირებულება 11 მილიონ ლარს აღემატება, რაც სრულად ახალი მაღაზიების გახსნას მოხმარდება.

„მოხარული ვართ, რომ „საქართველოს ბანკისა“ და ევროპის რეკონსტრუქციისა და განვითარების ბანკის (EBRD) ხელშეწყობით დასავლეთ საქართველოში ახალ მაღაზიებს გავხსნით. კომპანია „დეილი“ 2013 წლიდან ფუნქციონირებს და „საქართველოს ბანკთან“ პარტნიორობით უკვე არაერთი პროექტი განვახორციელეთ. ამ დრომდე კომპანია ჯამში 158 ფილიალს აერთიანებს. აქედან 1 მაღაზია თბილისშია, 16 აღმოსავლეთ, ხოლო 141 დასავლეთ საქართველოში, რომელსაც კიდევ 50 ახალი მაღაზია 2023 წლის ბოლომდე შეემატება. ჩვენს მაღაზიათა ქსელში შერეული პროდუქცია იყიდება, თუმცა გვაქვს საკუთარი წარმოების საკონდიტრო და სამზარეულოს ხაზი, რომელსაც ჩვენს მომხმარებლებს ახალ ფილიალებშიც შევთავაზებთ“, - განაცხადა კომპანია „დეილის“ დირექტორმა, დავით კუხალაშვილმა.

„საქართველოს ბანკის“ კორპორაციული საბანკო მომსახურების დეპარტამენტის დირექტორის, ოთარ სვანიძის თქმით, აღნიშნული სიახლე ბიზნესის გაძლიერებას, ახალი სამუშაო ადგილების შექმნას და ეკონომიკის წახალისებას ხელს შეუწყობს.

„საქართველოს ბანკისთვის ბიზნესის ხელშეწყობა მნიშვნელოვან პრიორიტეტს წარმოადგენს. სწორედ ამ მიზანს ემსახურება ბანკის, EBRD-ისა და კომპანია „დეილის პარტნიორობის შესახებ ხელშეკრულების გაფორმება, რომელიც ბიზნესის კიდევ უფრო მეტად გაძლიერებისა და რეგიონული განვითარებისკენ არის მიმართული. კომპანია „დეილი“ დასავლეთ საქართველოში 50 ახალ მარკეტს გახსნის, რაც ბიზნესის გაძლიერებას, ახალი სამუშაო ადგილების შექმნას და ეკონომიკის წახალისებას ხელს შეუწყობს“, - განაცხადა ოთარ სვანიძემ.

EBRD-ს კავკასიის რეგიონულმა დირექტორის, კატარინა ბიორლინ ჰანსენის თქმით, კომპანია „დეილის“ ასევე დაეხმარება გრანტები, რათა ახალი და ენერგოეფექტური დანადგარები შეიძინოს.

„მოხარული ვართ, რომ მხარს ვუჭერთ ბიზნესს, რომელიც საკმაოდ მსხვილი დამსაქმებელია საქართველოს რეგიონებში, განსაკუთრებით დასავლეთ საქართველოში. ფინანსურ მხარდაჭერასთან ერთად, EBRD-სა და კომპანია „დეილის“ შორის Skills in Business და FINTECC გრანტების შესახებაც გაფორმდება ხელშეკრულება, რომელიც კომპანიას ხელს შეუწყობს ახალგაზრდების დასაქმებაში, არსებული თანამშრომლების გადამზადებაში და გამოცდილი სამუშაო ძალის შენარჩუნებაში“, - განაცხადა კატარინა ბიორლინ ჰანსენმა.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა