საკანონმდებლო მაცნე ეროვნული უმცირესობების ენებზე კანონმდებლობის თარგმნისა და ძველი ნორმატიული აქტების გაციფრულების პროცესს განაგრძობს

იუსტიციის მინისტრის რატი ბრეგაძის განცხადებით, საბჭოთა პერიოდის შემდგომ მიღებული კანონმდებლობის გაციფრულება კვლავ უწყების საქმიანობის ძირითად მიმართულებად რჩება.

2022 წელს ამ მიმართულებით შესრულებული სამუშაო იუსტიციის მინისტრმა რატი ბრეგაძემ პარლამენტში სიტყვის გამოსვლისას შეაჯამა.

მინისტრის ცნობით, მიმდინარე წელს გაციფრულდა 14 286 გვერდი იმ ნორმატიული აქტებისა, რომლებიც 1990 წლის შემდეგ არის გამოცემული/მიღებული და აქამდე მხოლოდ ბეჭდური სახით იყო ხელმისაწვდომი. სამინისტროს ინფორმაციით, ამჟამად მიმდინარეობს ხსენებული გაციფრულებული 650-მდე ნორმატიული აქტის საკანონმდებლო მაცნეს ვებგვერდზე ეტაპობრივი განთავსების პროცესი.

საკანონმდებლო მაცნეს ვებგვერდზე უკვე განთავსებულია აფხაზურ, ოსურ, სომხურ და აზერბაიჯანულ ენებზე ნათარგმნი ათეულობით ნორმატიული აქტი.

„მნიშვნელოვანია აღნიშნული კანონების ცოდნა ჩვენი ქვეყნის მოქალაქეებისთვის, რათა ამ ქვეყნის სამართლებრივ სისტემაში შეძლონ სრულფასოვნად ორიენტაცია", - განაცხადა რატი ბრეგაძემ.

ნათარგმნ საკანონმდებლო აქტებს შორისაა საქართველოს კონსტიტუცია; საქართველოს ორგანული კანონი „მოქალაქეობის შესახებ"; საქართველოს ორგანული კანონი „სახელმწიფო ენის შესახებ"; საქართველოს კანონი „დისკრიმინაციის ყველა ფორმის აღმოფხვრის შესახებ"; საქართველოს კანონი „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ"; საქართველოს სისხლის სამართლის კოდექსი და სხვა აქტუალური აქტები. ამჟამად მიმდინარეობს საქართველოს სამოქალაქო კოდექსის, საქართველოს ზოგადი ადმინისტრაციული კოდექსისა და საპროცესო კოდექსების თარგმნის პროცესი.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე