GIPA-ს და ერთ-ერთი უმსხვილესი ინგლისურენოვანი ისტორიული YouTube არხის Kings & Generals-ის თანამშრომლობის ფარგლებში დიდგორის ბრძოლის ამსახველი ვიდეო შეიქმნა

GIPA-ს და ერთ-ერთი უმსხვილესი ინგლისურენოვანი ისტორიული YouTube არხის Kings & Generals-ის თანამშრომლობის ფარგლებში დიდგორის ბრძოლის ამსახველი ვიდეო შეიქმნა. აღნიშნულ ინფორმაციას GIPA ავრცელებს.

მათივე ცნობით, ვიდეოს 4 დღეში 130 ათასი ნახვა აქვს და Kings and Generals-ს 2.9 მილიონი გამომწერი ჰყავს. როგორც GIPA-ს მიერ გავრცელებულ ინფორმაციაში არის ნათქვამი, მათი ძირითადი მიმართულება, ისტორიის უმნიშვნელოვანესი ბრძოლების ანიმაციური ეკრანიზაციაა.

„Kings and Generals-თან პარტნიორობა GIPA-ს ინიციატივით 2022 წლის იანვარში შედგა და თითქმის ერთწლიანი მუშაობის შემდეგ დიდგორის ბრძოლის შესახებ ვიდეო დამზადდა. GIPA-ს მხრიდან სამუშაო პროცესში ჩართულები იყვნენ: GIPA-ს ასისტენტ პროფესორი და ისტორიკოსი ნიკა ხოფერია, რეჟისორი და გადაცემის ავტორი Radio GIPA-ში დავით გურგულია, GIPA-ს საზოგადოებასთან ურთიერთობის დეპარტამენტის ხელმძღვანელი კიწი ხარაბაძე.

Kings and Generals აშუქებს ისტორიის გადამწყვეტ ბრძოლებს, რომლებმაც შეცვალეს მსოფლიო გეოპოლიტიკა და ახლა უკვე საქართველოს ისტორიაც მიიღებს კუთვნილ ყურედღებას. GIPA-ს და Kings and Generals-ის პარტნიორობის შედეგად, უპრეცენდენტო რაოდენობის ინგლისურენოვანი მაყურებელი გაიცნობს ქართულ კულტურასა და ისტორიას. მომავალში, პარტნიორობის ფარგლებში დაგეგმილია თამარ მეფისა და საქართველოს ოქროს ხანის შესახებ ვიდეოს დამზადებაც“, - ნათქვამია ინფორმაციაში.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს