ხათუნა სამნიძე - ჰააგის ინფორმაციით, კიდევ ერთხელ გაეცა პასუხი ოკუპანტებს - ასევე პასუხი გაეცა "ქართული ოცნების" სამარცხვინო პროპაგანდას, რომ ომი დაიწყო საქართველოს მხარემ

ჰააგის ინფორმაციით, კიდევ ერთხელ ცხადი გახდა, რომ 2008 წლის ომში საქართველოს მხარეს არავითარი ბრალეულობა არ არსებობს , - ამის შესახებ "რესპუბლიკური პარტიის" თავმჯდომარე ხათუნა სამნიძემ ჟურნალისტებთან განაცხადა.

მისივე თქმით, ჰააგის სასამართლომ პასუხი გაეცა პირველ რიგში ოკუპანტებს, შემდეგ კი "ქართული ოცნების" განცხადებებს ომთან დაკავშირებით.

"ამ ინფორმაციით, კიდევ ერთხელ გაეცა პასუხი ოკუპანტებს და მათ მიერ დაწყებულ ომს საქართველოში. ამ გამოძიების დასრულებით და პირველადი ინფორმაციით, ცხადია, რომ საქართველოს მხარეს არავითარი ბრალეულობა არ არსებობს. ამ ინფორმაციით, ასევე პასუხი გაეცა "ქართული ოცნების" პროპაგანდას, რომელიც არაერთხელ მოგვისმენია, რომ ომი დაიწყო საქართველოს მხარემ, ამ სამარცხვინო პროპაგანდასაც გასცა ჰააგის ამ ინფორმაციამ კიდევ ერთხელ პასუხი - პირველ რიგში ოკუპანტებს და შემდეგ, სამწუხაროდ, საქართველოს ხელისუფლებას", - განაცხადა სამნიძემ.

სისხლის სამართლის საერთაშორისო სასამართლოს პროკურორის, კარიმ ხანის განცხადებით, აგვისტოს ომის საქმეზე გამოძიების ეტაპი დაასრულა, თუმცა კვლავ მიმდინარეობს სამუშაოები ეჭვმიტანილი პირების: მიხაილ მინძაევის, გამლეტ გუჩმაზოვისა და დავიდ სანაკოევის სასამართლოში წარსადგენად.

"დღეს შემიძლია დავადასტურო, რომ სისხლის სამართლის საერთაშორისო სასამართლოს წარმოებაში არსებული საქმეების გარდა, ჩემი ოფისი აღარ გააგრძელებს გამოძიებას ახალი მიმართულებით საქართველოს სიტუაციის ფარგლებში სხვა პირთა სავარაუდო სისხლისსამართლებრივ პასუხისმგებლობასთან ან სხვა ქმედებებთან დაკავშირებით. შესაბამისად, ვინაიდან, გარემოებები არსებითად არ შეცვლილა, საქართველოს სიტუაციის გამოძიების ეტაპი დასრულდა. აღნიშნული გადაწყვეტილების შესახებ მე უკვე ვაცნობე საქართველოს ხელისუფლებას.

სისხლის სამართლის საერთაშორისო სასამართლოს დაარსებიდან ოცი წლის შემდეგ ეს არის პირველი შემთხვევა, როდესაც ჩემმა ოფისმა გადაწყვიტა სასამართლოს წარმოებაში არსებულ სიტუაციასთან დაკავშირებით გამოძიების ეტაპი დაესრულებინა",- აღნიშნულია სისხლის სამართლის საერთაშორისო სასამართლოს პროკურორის ოფისის მიერ გავრცელებულ განცხადებაში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?