არჩილ თალაკვაძე „ნაციონალურ მოძრაობაზე" -  საკითხზე, სადაც იმუქრებოდნენ, რომ ქარიშხალს მოგვიწყობდნენ, სიოც კი არ ქრის დარბაზში

საკითხზე, სადაც იმუქრებოდნენ, რომ ქარიშხალს მოგვიწყობდნენ, სიოც კი არ ქრის დღეს დარბაზში, - ამის შესახებ პარლამენტის ვიცე-სპიკერმა არჩილ თალაკვაძემ საკანონმდებლო ორგანოში გამოსვლისას განაცხადა.

მისი თქმით, ოპოზიციას შეეშინდა დებატების.

„დარბაზში ვერ ვხედავთ სად არის მთავარი ოპოზიცია. უკვე მერამდენე სხდომაა, არც ეკონომიკა, არც განათლება, არც ქვეყნის თავდაცვისუნარიანობა, არც ევროინტეგრაცია და ახლა უკვე არც იუსტიციის სისტემა ე.წ. მთავარ ოპოზიციას არ აინტერესებს. სინამდვილეში მათ შეეშინდათ პოლიტიკური დებატების და ზუსტად იმ საკითხზე, სადაც იმუქრებოდნენ, რომ ქარიშხალს მოგვიწყობდნენ, არსად ჩანან და ხედავთ რომ არათუ ქარიშხალი არამედ, სიოც კი არ ქრის აქეთ მიმართულებით დღეს დარბაზში", - განაცხადა არჩილ თალაკვაძემ პარლამენტის პლენარულ სხდომაზე, სადაც „მინისტრის საათის“ ფორმატში, იუსტიციის მინისტრ რატი ბრეგაძეს მოუსმინეს.

მან ყველა ოპოზიციონერ დეპუტატს დარბაზში შემოსვლისა და დებატებში ჩართვისკენ მოუწოდა.

„პარლამენტში პოლიტიკის ერთ-ერთი მთავარი კომპონენტი დებატებია და როდესაც დებატებს გაურბიხარ და ემალები, რაღა მთავარ ოპოზიციაზე უნდა გქონდეთ პრეტენზია", - აღნიშნა არჩილ თალაკვაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს