მოხარული ვარ, რომ რუმინეთის, უნგრეთის, საქართველოსა და აზერბაიჯანის შეთანხმება ამხელა აქცენტს აკეთებს განახლებად ენერგიებზე, – ამის შესახებ ევროკომისიის პრეზიდენტი, ურსულა ფონ დერ ლაიენი „ტვიტერში“ წერს.
„შავი ზღვის ორი სანაპირო არასდროს ყოფილა უფრო ახლოს. მოხარული ვარ, რომ რუმინეთის, უნგრეთის, საქართველოსა და აზერბაიჯანის შეთანხმება ამხელა აქცენტს აკეთებს განახლებად ენერგიებზე. ახლა ჩვენ ვაგებთ უფრო მტკიცე ენერგეტიკულ ურთიერთკავშირებს“, - წერს ევროკომისიის პრეზიდენტი.
ამასთან, ევროკომისიის პრეზიდენტმა „ტვიტერზე“ დაწერა, რომ შავი ზღვის ელექტროენერგიის კაბელმა შეიძლება უზრუნველყოს საქართველოს ინტეგრაცია ევროკავშირის ენერგეტიკულ ბაზართან.
„შავი ზღვის ელექტროენერგიის კაბელი ახალი გადამცემი ხაზი და შესაძლებლობებით სავსე მარშრუტია! მან შეიძლება საქართველოს ინტეგრაცია უზრუნველყოს ჩვენს ენერგეტიკულ ბაზართან და ელექტროენერგია მიაწოდოს ჩვენს მეზობლებს - დასავლეთ ბალკანეთს, მოლდოვასა და, რა თქმა უნდა, უკრაინას. მოდით, ერთად ვიმუშაოთ და რეალობად ვაქციოთ ეს ინიციატივა!"- წერს უსრულა ფონ დერ ლაიენი.