მილიარდერმა ილონ მასკმა იმ რეპორტიორების „ტვიტერის“ ანგარიშები აღადგინა, რომლებიც ცოტა ხნის წინ დაბლოკა.

როგორც Reuters წერს, მასკმა აღნიშნული გადაწყვეტილება მას მას შემდეგ მიიღო, რაც ანგარიშების დაბლოკვას აშშ-ის ხელისუფლების წარმომადგენლების, ჟურნალისტების უფლებათა დამცველი ორგანიზაციებისა და საზოგადოებისგან მკაცრი კრიტიკა მოჰყვა და მას ბრალი მედიის თავისუფლების შეზღუდვაში დასდეს.

ცნობისთვის, სოციალურმა ქსელმა, „ტვიტერმა“ რამდენიმე რეპორტიორის, მათ შორის, „ნიუ იორკ თაიმსის“, CNN-ისა და „ვაშინგტონ პოსტის“ პროფილები მას შემდეგ დაბლოკა, რაც ჟურნალისტებმა ილონ მასკთან დაკავშირებული კრიტიკული პოსტები გაავრცელეს. მასკის გადაწყვეტილება ასევ გააკრიტიკეს გაერომ და ევროკავშირმა.